വനിതാ ജഡ്ജിക്കും രക്ഷയില്ല, അഭിഭാഷകന്റെ പരിധിവിട്ടുള്ള പെരുമാറ്റങ്ങള്ക്കെതിരെ ജഡ്ജിപോലീസിനെ സമീപിച്ചു
പരിധിവിട്ടുള്ള അഭിഭാഷകന്റെ പെരുമാറ്റങ്ങള്ക്കെതിരെ പരാതിയുമായി വനിതാ ജഡ്ജി പോലീസിനെ സമീപിച്ചു. ഡല്ഹി കോടതി മുറിയിലാണെ ഞെട്ടിപ്പിക്കുന് സംഭവം അരങ്ങേറിയത്. ജഡ്ജിയായാലും വനിതയായാല് രക്ഷയില്ലന്നാണ് ഇതോടെ വെളിപ്പെടുന്നത്. ഒരാഴ്ച മുമ്പ് ഡല്ഹിയിലെ കോടതി മുറിയില് വനിതാ ജഡ്്ജിക്കുണ്ടായ അപമാനത്തെ ഗൗരവത്തോടെയാണ് അഭിഭാഷക ലോകവും കാണുന്നത്.
മദ്യപിച്ച് വാഹനം ഓടിച്ച കേസിന്റെ നടപടിക്രമങ്ങള്ക്കിടെയാണ് സംഭവങ്ങള്. പ്രതിയെ മോചിപ്പിക്കാനുള്ള അപേക്ഷ കോടതി അംഗീകരിച്ചില്ല. ഇതില് പ്രകോപിതനായാണ് അഭിഭാഷകന് കോടതി മുറിക്കുള്ളില് ജഡ്ജിയെ അപമാനിച്ചത്. പദങ്ങള്കൊണ്ടും ആംഗ്യങ്ങള് കൊണ്ടും കളിയാക്കി. തിങ്ങി നിറഞ്ഞ കോടതി മുറിയിലായിരുന്നു ഇത്. ഈ സാഹചര്യത്തിലാണ് പരാതിയുമായി ജഡ്ജി പൊലീസിനെ സമീപിച്ചത്. അഭിഭാഷകരും ഇതിനെ ഗൗരവത്തോടെ കണ്ടു. ഇത്തരം സംഭവങ്ങള് ജ്യൂഡീഷ്യറിക്ക് അപമാനമാണെന്നാണ് വിലയിരുത്തല്
വനിതാ ജഡ്ജിയെ കോടതി മുറിയില് അധിക്ഷേപിച്ച അഭിഭാഷകനെതിരെ ഡല്ഹി ബാര് കൗണ്സില് നടപടിയെടുക്കും. ഇതിനുള്ള പ്രമേയം ഡല്ഹി ജ്യുഡീഷ്യല് സര്വ്വീസ് അസോസിയേഷന് പാസാക്കി. വനിതാ ജഡ്ജിയുടെ പരാതി ശരിവയ്ക്കുന്നതാണ് പ്രമേയം. അഭിഭാഷകനെതിരെ ഉചിതമായ നടപടിയെടുക്കാനാണ് ഹൈക്കോടതിയോടും ബാര് കൗണ്സിലിനോടും ആവശ്യപ്പെട്ടിരിക്കുന്നത്. ഈ സാഹചര്യത്തില് നടപടി ഉറപ്പാണ്. സംഭവത്തില് പൊലീസ് കേസ് എടുത്തിട്ടുണ്ട്. ജഡ്ജിയുടെ പരാതിയുടെ അടിസ്ഥാനത്തിലാണ് നടപടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
