രാധമ്മ എല്ലാ ദിവസവും കുട്ടികള്ക്കായി ഭക്ഷണം പാചകം ചെയ്യും പക്ഷേ കുട്ടികള് കഴിക്കാറില്ല
കര്ണാടകയിലെ കോലാര് ജില്ലയില് കഗനഹള്ളി ഗ്രാമത്തിലെ സര്ക്കാര്വക പ്രൈമറി സ്കൂളിലെ പാചകക്കാരിയായ രാധമ്മയാണ് ഈ സങ്കടം പറയുന്നത്. എല്ലാ ദിവസവും കുട്ടികള്ക്കായി ഭക്ഷണം പാചകം ചെയ്യും. എന്നാല് ആരും ഭക്ഷണം കഴിക്കാറില്ലെന്നതാണ് ഈ അമ്മയുടെ സങ്കടം. കുട്ടികള് ഭക്ഷണം കഴിക്കാത്തതിന് കാരണം ആരാഞ്ഞപ്പോള് തന്റെ പക്കലുള്ള ഔദ്യോഗിക ഡയറി നീട്ടി. എല്ലാം ഇതിലുണ്ടെന്ന് രാധമ്മ മറുപടിയും പറഞ്ഞു.
ആ ഡയറി മറിച്ചുനോക്കിയാല് കാണാം അവര് ജോലിയില് പ്രവേശിച്ച 2014 ഫെബ്രുവരി മുതല് ഉച്ചഭക്ഷണം ഉണ്ടാക്കിയ ശേഷം രാധമ്മ കുറിച്ച വാക്കുകള്. \'ഇന്നും ആരും ഭക്ഷണം കഴിച്ചില്ല\'. കാരണം രാധമ്മ ഒരു ദളിതയാണ്. ഒരു കീഴ്ജാതിക്കാരിയുടെ സാമിപ്യമുള്ള ഭക്ഷണം കഴിക്കാന് സ്കൂളിലെ കുട്ടികള് തയ്യാറല്ല. അധവാ കഴിക്കണമെന്ന് ആഗ്രഹിച്ചാലും മാതാപിതാക്കള് ഇത് അനുവദിക്കില്ല.
ഒരു താഴ്ന ജാതിക്കാരി ഉണ്ടാക്കിയ ഭക്ഷണം കഴിച്ച് നശിപ്പിക്കാനുള്ളതല്ല തങ്ങളുടെ കുട്ടികളുടെ ജീവിതമെന്ന് പ്രദേശത്തെ ഉയര്ന്ന ജാതിക്കാര് പറയുന്നു. ഏക വരുമാനമായ ഈ ജോലി ഉപേക്ഷിക്കാന് രാധമ്മ തയ്യാറല്ല. സര്ക്കാര് സ്ഥാപനത്തില് പാചകക്കാരിയാണെങ്കിലും നിലവിലെ ജോലിയില് തുടരണമെങ്കില് രാജമ്മയ്ക്ക് മുന്നില് ഒരു വഴിയേ അവശേഷിക്കുന്നുള്ളു. സ്കൂളിലെ കുട്ടികള്ക്കായി ഭക്ഷണം പാകം ചെയ്യാതിരിക്കുക.
രാധമ്മ ജോലിയില് പ്രവേശിക്കുമ്പോള് 118 കുട്ടികള് പഠിച്ചിരുന്ന സ്കൂളിലിന്ന് അവശേഷിക്കുന്നത് വെറും 18 കുട്ടികള്. അതിനുള്ള കാരണമാകട്ടെ രാധമ്മയുടെ ആഗമനവും. പലരും തങ്ങളുടെ കുട്ടികളെ മറ്റ് സ്വകാര്യ സ്ഥാപനങ്ങളിലേക്ക് മാറ്റി. 118 ഉണ്ടായിരുന്ന കുട്ടികളുടെ എണ്ണം പൊടുന്നനെ 58ലേക്കും അവിടെനിന്ന് 18ലേക്കും ചുരുങ്ങി. ഈ തെറ്റായ തീരുമാനത്തിന് എതിരെ പ്രതികരണവുമായി സ്കൂള് ഹെഡ്മാസ്റ്റര് രംഗത്തെത്തിയെങ്കിലും അസഭ്യവും ഭീഷണിയുമായിരുന്നു ഫലം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
