നിരോധനം കഴിഞ്ഞ് അഞ്ച് മാസത്തിനുള്ളില്‍ ഓണ്‍ലൈന്‍ വ്യാപാര സ്ഥാപനമായ സ്‌നാപ്ഡീലിലൂടെ മാഗി തിരിച്ചെത്തി. ന്യൂഡില്‍സിന് വന്‍സ്വീകാര്യതയാണ് കണ്ടത്. വൃത്തിയുള്ള പാക്കറ്റിലാക്കിയാല്‍ എന്തുംവാങ്ങുന്ന നാട്ടില്‍ മിനിട്ടുകള്‍ക്കുള്ളിലാണ് ഭക്ഷണം വിറ്റുതീര്‍ന്നത്.

ഈയത്തിന്റെ അളവ് അനുവദനീയമായതിലും കൂടുതലെന്ന കണ്ടെത്തലിനെ തുടര്‍ന്നാണ് മാഗി ന്യൂഡില്‍സ് രാജ്യവ്യാപകമായി നിരോധിച്ചത്. നവംബര്‍ 12ന് ചുരുങ്ങിയ സമയത്തേക്ക് നടക്കുന്ന വില്‍പനയ്ക്കുള്ള മുന്‍കൂര്‍ ബുക്കിംഗാണ് ഇന്ന് നടന്നത്. 12 പാക്കറ്റുകള്‍ക്ക് 144 രൂപയായിരുന്നു ഓണ്‍ലൈനിലെ വില. ഇന്നലെ മുതലാണ് മുന്‍കൂര്‍ രജിസ്‌ട്രേഷന്‍ തുടങ്ങിയത്.

വിഷാംശം കണ്ടെത്തിയശേഷം നേരത്തെ ഉത്പാദിപ്പിച്ചതിന്റെ ചെലവടക്കം 450 കോടിയാണ് കമ്പനിയ്ക്ക് നഷ്ടപ്പെട്ടത്. 30,000 ടണ്ണാണ് ഉപേക്ഷിക്കേണ്ടിവന്നത്. നിരോധനത്തിന് ശേഷമുള്ള വരവില്‍ എത്രത്തോളം സ്വീകാര്യതയുണ്ടെന്ന് ഉറപ്പുവരുത്താനാണ് ഓണ്‍ലൈന്‍ പ്രീബുക്കിംഗിലൂടെ വില്‍ക്കാന്‍ കമ്പനി തീരുമാനിച്ചത്. എന്ത് വിഷമായാലും കഴിയ്ക്കാന്‍ തയ്യാറാണെന്ന് ഉപഭോക്താക്കളില്‍ നിന്നും മറുപടി കിട്ടിയതോടെ ഇനി വീണ്ടും മാഗി വിപണിയില്‍ നിറയും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക