ടിപ്പുസുല്ത്താന്റെ ജന്മദിനാചരണത്തിന്റെ പേരില് സംഘര്ഷം: കുടകില് ഒരാള് കൊല്ലപ്പെട്ടു
ടിപ്പുസുല്ത്താന്റെ ജന്മദിനാചരണം നടത്താനുള്ള കര്ണാടക സര്ക്കാറിന്റെ തീരുമാനത്തില് പ്രതിഷേധിച്ച് ചൊവ്വാഴ്ച ബി.ജെ.പി. പ്രഖ്യാപിച്ച കുടക് ജില്ലാ ബന്ദില് പരക്കെ സംഘര്ഷം. മടിക്കേരിയില് പരിക്കേറ്റ വി.എച്ച്.പി. പ്രാദേശിക നേതാവ് മരിച്ചു. മറ്റൊരാള്ക്ക് വെടിയേറ്റു. സംഘര്ഷം കണ്ടുനിന്നയാള് കെട്ടിടത്തില്നിന്ന് വീണുമരിച്ചു. ലാത്തിച്ചാര്ജില് പരിക്കേറ്റ കുട്ടച്ചയാണ് (50) മരിച്ചത്. ആസ്?പത്രിയിലേക്ക് കൊണ്ടുപോകുംവഴിയാണ് മരണം. തലയ്ക്ക് വെടിയേറ്റ മടിക്കേരി സ്വദേശി ശാഹുലിനെ (25) മൈസൂരുവിലെ സ്വകാര്യ ആസ്?പത്രിയില് പ്രവേശിപ്പിച്ചു. സംഘര്ഷം കണ്ടുനിന്ന മടിക്കേരി സ്വദേശി രാജുവാണ് വീണുമരിച്ചത്.
ജന്മദിനാചരണത്തില് പങ്കെടുക്കാനെത്തിയവരും ബി.ജെ.പി. പ്രവര്ത്തകരും തമ്മിലാണ് ഏറ്റുമുട്ടല് ഉണ്ടായത്. മംഗളൂരു, തുമകൂരു, ചിക്കമഗളൂരു എന്നിവിടങ്ങളിലും സംഘര്ഷമുണ്ടായി. ബെംഗളൂരുവില് മുഖ്യമന്ത്രിയും മറ്റുമന്ത്രിമാരും പങ്കെടുത്ത ചടങ്ങിലേക്കും ബി.ജെ.പി. പ്രവര്ത്തകര് തള്ളിക്കയറാന് ശ്രമിച്ചു. തുമകൂരുവില് ആഘോഷപരിപാടിക്കെത്തിയ മന്ത്രി ടി.ബി. ജയചന്ദ്രയുടെ കാര് പ്രതിഷേധക്കാര് തടഞ്ഞു.
കുടക് ജില്ലയിലെ പലഭാഗങ്ങളിലും ജന്മദിനാചരണ അനുകൂലികളും പ്രതിഷേധക്കാരും ഏറ്റുമുട്ടി. വിരാജ്പേട്ടയില് അക്രമാസക്തമായ ജനക്കൂട്ടത്തെ പിരിച്ചുവിടാന് രണ്ടുതവണ ലാത്തിച്ചാര്ജ് നടത്തി. കുശാല്നഗര്, നാക്പോക്ക്, സോമവാര്പേട്ട, സുണ്ടികുപ്പ, മാദാപുര് എന്നിവിടങ്ങളില് കടകള്ക്കുനേരേ അക്രമമുണ്ടായി.
മടിക്കേരിയില് ലാത്തിച്ചാര്ജില് 10 പേര്ക്ക് പരിക്കേറ്റു. 25ഓളം കടകള് അക്രമികള് തകര്ത്തു. വാഹനങ്ങള്ക്കുനേരേയും അക്രമമുണ്ടായി. സംഘര്ഷം കണക്കിലെടുത്ത് മടിക്കേരി, വിരാജ്പേട്ട, കുശാല്നഗര് എന്നിവിടങ്ങളില് നിരോധനാജ്ഞ ഏര്പ്പെടുത്തി. ദക്ഷിണമേഖലാ ഐ.ജി. കെ.വി. സിങ്ങിന്റെ നേതൃത്വത്തില് സ്ഥലത്ത് കൂടുതല് പോലീസിനെ വിന്യസിച്ചു. അക്രമികളെ കണ്ടാല് വെടിവെക്കാന് നിര്ദേശം നല്കി.
ചൊവ്വാഴ്ച രാവിലെ മടിക്കേരിയില് ആഘോഷം തടയാന് ബി.ജെ.പി. പ്രവര്ത്തകര് റോഡുപരോധിച്ചു. ആഘോഷത്തില് പങ്കെടുക്കാന് മടിക്കേരി ടൗണ്ഹാളില് സംഘടിച്ചവരും ബന്ദ് അനുകൂലികളും തമ്മില് കല്ലേറുണ്ടായതോടെ പോലീസ് ലാത്തിച്ചാര്ജ് നടത്തുകയും കണ്ണീര്വാതകം പ്രയോഗിക്കുകയുമായിരുന്നു. അക്രമത്തില് പ്രതിഷേധിച്ച് ബി.ജെ.പി.യും മറ്റ് ഹൈന്ദവ സംഘടനകളും കുടക്, മംഗലാപുരം, ഉഡുപ്പി ജില്ലകളില് ബുധനാഴ്ചയും ബന്ദിന് ആഹ്വാനംചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
