വിമാനം വൈകുമെന്ന അറിയിപ്പ് നല്കുന്നതിനിടെയാണ് യാത്രക്കാരന് കോ-പൈലറ്റിനെ മര്ദിച്ച സംഭവം... മുന്നറിയിപ്പുമായി കേന്ദ്ര സിവില് ഏവിയേഷന് മന്ത്രി ജ്യോതിരാദിത്യ സിന്ധ്യ
വിമാനം വൈകുമെന്ന അറിയിപ്പ് നല്കുന്നതിനിടെ ഇന്ഡിഗോ വിമാനത്തിലെ പൈലറ്റിന് ആക്രമിച്ച സംഭവത്തില് മുന്നറിയിപ്പുമായി കേന്ദ്ര സിവില് ഏവിയേഷന് മന്ത്രി ജ്യോതിരാദിത്യ സിന്ധ്യ. മൂടല്മഞ്ഞ് കാരണം ഡല്ഹിയില് നിന്ന് ഗോവയ്ക്കുള്ള ഇന്ഡിഗോ 6E2175 വിമാനം വൈകുമെന്ന അറിയിപ്പ് നല്കുന്നതിനിടെയാണ് യാത്രക്കാരന് കോ-പൈലറ്റിനെ മര്ദിച്ചത്. ഇതിന്റെ വീഡിയോ സമൂഹമാധ്യമങ്ങളിലടകം പ്രചരിച്ചതിന് പിന്നാലെയാണ് മുന്നറിയിപ്പുമായി ജ്യോതിരാദിത്യ സിന്ധ്യ രംഗത്തെത്തിയത്. 'അനിയന്ത്രിതമായ പെരുമാറ്റത്തിന്റെ സംഭവങ്ങള് അസ്വീകാര്യമാണ്, നിലവിലുള്ള നിയമ വ്യവസ്ഥകള്ക്ക് അനുസൃതമായി ഇതിനെ ശക്തമായി കൈകാര്യം ചെയ്യും,' സിന്ധ്യ എക്സിലൂടെ പറഞ്ഞു.
അതുത്തിടെ ഇന്ഡിഗോ വിമാനത്തിനെതിരെ നിരവധി പരാതികളാണ് ഉയര്ന്നുവന്നിരിക്കുന്നത്. അതിനിടെയാണ് പുതിയ സംഭവം റിപ്പോര്ട്ട് ചെയ്തിരിക്കുന്നത്. ഉത്തരേന്ത്യയിലും മധ്യ ഇന്ത്യയിലുടനീളമുള്ള കനത്ത മൂടല്മഞ്ഞ് കഴിഞ്ഞ കുറച്ച് ദിവസങ്ങളായി വിമാന പ്രവര്ത്തനങ്ങളെ വലിയ രീതിയിലാണ് ബാധിച്ചിരിക്കുന്നത്. വിമാനങ്ങളില് യാത്രക്കാരുടെ അനിയന്ത്രിതമായ പെരുമാറ്റം തടയാന് ഡിജിസിഎ നിയമങ്ങള് നിര്ദേശിച്ചിട്ടുണ്ട്. ഇത് ശിക്ഷാര്ഹമായ കുറ്റമായാണ് കാണുന്നത്. ഒരു വിമാനക്കമ്പനിയുടെ സാധാരണ പ്രവര്ത്തനത്തെ തടസ്സപ്പെടുത്തുന്ന ഒരു യാത്രക്കാരനെ അന്വേഷണത്തിന് ശേഷം നോ ഫ്ലൈ ലിസ്റ്റില് ഉള്പ്പെടുത്താം.
മര്ദ്ദനമേറ്റ ഇന്ഡിഗോ പൈലറ്റ് അനൂപ് കുമാര് നല്കിയ പരാതിയുടെ അടിസ്ഥാനത്തില് യാത്രക്കാരനായ സഹില് കതാരിയയെ ഡല്ഹി പോലീസ് കസ്റ്റഡിയിലെടുത്തിരുന്നു. ഞായറാഴ്ച ഉച്ച കഴിഞ്ഞാണ് 6ഇ 2175 ഫ്ലൈറ്റില് അപ്രതീക്ഷിതമായ സംഭവങ്ങള് അരങ്ങേറിയത്. സഹില് കതാരിയ എന്ന യുവാവാണ് പൈലറ്റിന് നേരെ ആക്രമണം നടത്തിയത്. അതേസമയം ഇന്ഡിഗോ വിമാനങ്ങളുടെ റദ്ദാക്കല്, അകാരണമായ കാലതാമസം, മാനദണ്ഡങ്ങള് പാലിക്കാത്തത് തുടങ്ങിയ പരാതിയുമായും ആളുകള് രംഗത്തെത്തിയിട്ടുണ്ട്.
സമൂഹമാധ്യമങ്ങളില് പ്രചരിക്കുന്ന വീഡിയോയില് വിമാനം വൈകുമെന്ന് പൈലറ്റ് അറിയിക്കുന്നതിന് പിന്നാലെ യാത്രക്കാരില് ഒരാള് പൈലറ്റിന്റെ അടുത്തേക്ക് ഓടിച്ചെന്ന് മുഖത്ത് അടിക്കുന്നതും കാണാം. സംഭവത്തിന് ശേഷം സഹില് കതാരിയയെ സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സിന് (സിഐഎസ്എഫ്) കൈമാറിയതായി അധികൃതര് അറിയിച്ചിരുന്നു. യാത്രക്കാരനെതിരെ പൈലറ്റ് ഡല്ഹി പോലീസില് പരാതി നല്കിയിരുന്നു. ഇതിന്റെ അടിസ്ഥാനത്തില് എഫ്ഐആര് രജിസ്റ്റര് ചെയ്തിട്ടുണ്ട്. വിഷയത്തില് കൂടുതല് അന്വേഷണം നടന്നുവരികയാണെന്നും വൃത്തങ്ങള് അറിയിച്ചു.
https://www.facebook.com/Malayalivartha
