സങ്കടം അടക്കാനാവാതെ ഉറ്റവരും ബന്ധുക്കളും സുഹൃത്തുക്കളും... മുംബൈയില്‍ ബൈക്ക് അപകടത്തില്‍ ചികിത്സയിലിരിക്കെ കോളേജ് വിദ്യാര്‍ത്ഥിയായ യുവാവ് മരിച്ചു. കേരളത്തില്‍ കണ്ണൂര്‍ ജില്ലയില്‍ കൂത്തുപറമ്പാണ് തുഷാറിന്റെ സ്വദേശം.


മീരാ റോഡ് ഈസ്റ്റ് ഡാഫോഡില്‍ ഹൗസിംഗ് സൊസൈറ്റിയില്‍ താമസിക്കുന്ന തുഷാര്‍ കുമാറാണ് (21) മരിച്ചത്. ഭക്തിവേദാന്ത ഹോസ്പിറ്റലിലാണ് യുവാവിനെ പ്രവേശിപ്പിച്ചിരുന്നത്. തുഷാറിന്റെ ബൈക്ക് ഡിവൈഡറില്‍ തട്ടി അപകടം നടന്നതായാണ് റിപ്പോര്‍ട്ടുകളുള്ളത്്.

വലിയൊരു സുഹൃദ് വലയം ഉണ്ടായിരുന്ന തുഷാറിന്റെ മരണം ബന്ധുക്കള്‍ക്കിടയിലും സുഹൃത്തുക്കള്‍ക്കിടയിലും വലിയ നടുക്കമാണ് സൃഷ്ടിച്ചത്.
മരണാനന്തര ചടങ്ങുകള്‍ ഫെബ്രുവരി 4ന് പകല്‍ 11ന് മീരാ റോഡ് ഈസ്റ്റ് പൊതുശ്മശാനത്തില്‍ നടക്കും.