മദ്യപിച്ച് സ്കൂളിലെത്തിയ അദ്ധ്യാപകന് സസ്പെന്ഷന്...
മദ്യപിച്ച് സ്കൂളിലെത്തിയ അദ്ധ്യാപകനെതിരെ നടപടി സ്വീകരിച്ച് വിദ്യാഭ്യാസ വകുപ്പ്. മദ്ധ്യപ്രദേശ് ജബല്പൂരിലെ ഒരു സ്കൂളില്് മദ്യപിച്ചെത്തിയ അദ്ധ്യാപകനെ സസ്പെന്ഡ് ചെയ്യാന് നിര്ദ്ദേശം നല്കി. രാജേന്ദ്ര നേതം എന്ന് അദ്ധ്യാപകനെയാണ് വിദ്യാര്ത്ഥികളുടെയും രക്ഷിതാക്കളുടെയും പരാതിയില് സസ്പെന്ഡ് ചെയ്തത്.
നേരത്തെയും ഇയാള് സ്കൂളില് മദ്യപിച്ചെത്തിയിട്ടുണ്ടെന്നാണ് വിവരം. അടുത്തിടെ മദ്യലഹരിയില് സ്കൂളിലെത്തിയ രാജേന്ദ്ര നേതം, എഴുന്നേറ്റ് നില്ക്കാന് പോലും വയ്യാതെ സ്കൂളിലെ പടിയില് ഇരിക്കുന്ന വീഡിയോ വിദ്യാര്ത്ഥികളില് ഒരാള് മൊബൈല് പകര്ത്തി പ്രചരിപ്പിച്ചിരുന്നു.
ഇതിന് പിന്നാലെയാണ് അദ്ധ്യാപകനെതിരെ നടപടി സ്വീകരിച്ചത്. അദ്ധ്യാപകനെ സസ്പെന്ഡ് ചെയതതായി ജബല്പൂര് കളക്ടര് സ്ഥിരീകരിച്ചു. വിദ്യാര്ത്ഥികള്ക്ക് മാതൃകയാകേണ്ട അദ്ധ്യാപകന് ഇത്തരത്തില് പെരുമാറുന്നത് അംഗീകരിക്കാന് സാധിക്കില്ലെന്നും ഇത്തരത്തില് പെരുമാറുന്ന മറ്റ് അദ്ധ്യാപകര്ക്കും ഇത് മുന്നറിയിപ്പാണെന്നും അധികൃതര് അറിയിച്ചു.
അമിതമായി മദ്യപിച്ചെത്തിയ അദ്ധ്യപകന് പടിയില് ഇരിക്കുന്ന വീഡിയോ പ്രചരിച്ചതിന് പിന്നാലെ വിദ്യാര്ത്ഥികളുടെ രക്ഷിതാക്കള് അദ്ധ്യാപകനെതിരെ പരാതിയുമായി സ്കൂളിലെത്തിയിരുന്നു. ഇതിന് മുന്പും ഈ അദ്ധ്യാപകനെതിരെ സ്കൂള് അധികൃതര്ക്ക് പലപ്പോഴും പരാതി ലഭിച്ചിട്ടുണ്ടെന്നാണ് വിവരം. എന്നാല് ഇയാള്ക്കെതിരെ നടപടി സ്വീകരിച്ചിരുന്നില്ല. ഇതിന് പിന്നാലെ ചില വിദ്യാര്ത്ഥികള് സ്കൂളില് വരുന്നത് പോലും നിര്ത്തിയിരുന്നു. ഇതിനിടെയാണ് വീഡിയോ വൈറലായത്. വീഡിയോ ശ്രദ്ധയില്പ്പെട്ട വിദ്യാഭ്യാസ വകുപ്പ് അദ്ധ്യാപകനെതിരെ നടപടി സ്വീകരിക്കാന് നിര്ദേശം നല്കുകയായിരുന്നു
https://www.facebook.com/Malayalivartha
