രാജസ്ഥാനില് 100 അടിയോളം താഴ്ചയുള്ള കുഴല്ക്കിണറില് യുവതി വീണു... രക്ഷാപ്രവര്ത്തനം തുടരുന്നു
രാജസ്ഥാനില് 100 അടിയോളം താഴ്ചയുള്ള കുഴല്ക്കിണറില് യുവതി വീണു... രക്ഷാപ്രവര്ത്തനം തുടരുന്നു. ഗംഗാപൂര് സിറ്റി ജില്ലയിലെ ഗുഡ്ല ഗ്രാമത്തില് നിന്നുള്ള മോനാ ബായി(25) എന്ന യുവതിയാണ് വീടിനു പിന്നിലെ വയലില് കുഴിച്ച കുഴല്ക്കിണറില് വീണതെന്ന് ബമന്വാസ് സബ് ഡിവിഷന് ഓഫീസര് അന്ഷുല് കുമാര് പറഞ്ഞു.
ദേശീയ ദുരന്ത നിവാരണ സേനയും അഗ്നിശമനസേനയും യുവതിയെ പുറത്തെത്തിക്കുന്നതിനുള്ള രക്ഷാപ്രവര്ത്തനങ്ങള് തുടരുന്നു. കുഴല്ക്കിണറിലുള്ള യുവതിക്ക് ഓക്സിജന് എത്തിക്കാനുള്ള ക്രമീകരണങ്ങള് അധികൃതര് നടത്തിവരുന്നു. ചൊവ്വാഴ്ച രാത്രി എട്ടോടെയാണ് യുവതിയെ വീട്ടില് നിന്ന് കാണാതായത്. യുവതി അബദ്ധത്തില് കിണറ്റില് വീണതാണോ അതോ ആരെങ്കിലും തള്ളിയിട്ടതാണോയെന്ന് പോലീസ് അന്വേഷിക്കുന്നുണ്ട്.
ഉച്ചയോടെയാണ് ഒരു സ്ത്രീ കുഴല്ക്കിണറില് വീണ വിവരം ലഭിച്ചതെന്ന് ബമന്വാസ് ഡെപ്യൂട്ടി പോലീസ് സൂപ്രണ്ട് സാന്ത്രം പറഞ്ഞു. കുഴല്ക്കിണറിന് പുറത്ത് അവളുടെ ചെരിപ്പ് കണ്ടതായും അവള് ഉള്ളില് വീണതാണെന്ന് തിരിച്ചറിഞ്ഞതായും വീട്ടുകാര് പോലീസിനോട് പറഞ്ഞു.
"
https://www.facebook.com/Malayalivartha
