അരനൂറ്റാണ്ടിനുശേഷം മഞ്ഞുമലയില്‍ കണ്ടെത്തിയത് മലയാളി സൈനികന്റെതുള്‍പ്പടെ നാല് സൈനികരുടെ മൃതദേഹം... 56 വര്‍ഷം മുന്‍പ് മരിച്ച മലയാളി സൈനികന്റെതുള്‍പ്പടെ നാല് സൈനികരുടെ മൃതദേഹമാണ് കണ്ടെത്തിയത്.

റോഹ്താങ് പാസിലെ മഞ്ഞുമലയില്‍ നിന്നാണ് പത്തനംതിട്ട ഇലന്തൂര്‍ സ്വദേശി തോമസ് ചെറിയാന്റെ മൃതദേഹം കിട്ടിയത് . 1968ല്‍ വ്യോമസേനാ വിമാനം തകര്‍ന്നാണ് സൈനികന്‍ മരിച്ചത്. വൈകുന്നേരമാണ് സൈന്യത്തില്‍ നിന്നുള്ള വിവരം ആറന്‍മുള പൊലീസിന് ലഭിച്ചത്. ലഫ്റ്റന്റ് അജയ് ചൗഹാന്‍ എന്ന കേണലാണ് സ്റ്റേഷനില്‍ ബന്ധപ്പെട്ടതെന്ന് ആറന്‍മുള പൊലീസ് .

1968ല്‍ കാണാതായ മലയാളി സൈനികന്റെ മൃതദേഹം സംബന്ധിച്ച് വിവരങ്ങള്‍ ലഭ്യമായിട്ടുണ്ട്. ഇക്കാര്യം അയാളുടെ ബന്ധുക്കളെ അറിയിക്കണമെന്നായിരുന്നു സൈന്യത്തില്‍ നിന്നും ലഭിച്ച സന്ദേശമെന്നും പൊലീസ്.