ഉത്തർപ്രദേശിലെ ബിജ്‌നോറിൽ നാല് ദിവസം മുൻപ് ഗംഗയിൽ വീണ് മനീഷാ താക്കൂർ എന്ന 29 കാരിയെ കാണാതായിരുന്നു. മനീഷക്കായുള്ള തിരച്ചിൽ നടക്കുന്നതിനിടെ ബിഎസ്എഫ് ജവാനയാ ഭർത്താവ് ഒരുവയസ്സുള്ള മകനുമായി നദിയിൽ ചാടി. ഇവർക്കായുള്ള തിരച്ചിൽ പുരോഗമിക്കുന്നു.

നജിബാബാദിലെ വേദ് വിഹാർ സ്വദേശിയായ രാഹുൽ അഞ്ച് വർഷം മുമ്പാണ് മനീഷ താക്കൂറിനെ പ്രണയിച്ച് വിവാഹം കഴിച്ചത്. ഇരുവർക്കുമിടയിൽ കുറച്ച് ദിവസങ്ങളായി പ്രശ്നങ്ങളുണ്ടായിരുന്നതായി പൊലീസ് പറയുന്നു. ഓഗസ്റ്റ് 19നാണ് മനീഷ ഗംഗയിൽ ചാടിയത്. നാല് ദിവസമായി യുവതിക്കായി തിരച്ചിൽ നടത്തിയെങ്കിലും കണ്ടെത്താൻ സാധിച്ചിരുന്നില്ല. യുവാവ് കുട്ടിയുമായി നദിയിലേക്ക് ചാടുന്നതിന്റെ സിസിടിവി ദൃശ്യങ്ങൾ പൊലീസിന് ലഭിച്ചിട്ടുണ്ട്.