ക്രിക്കറ്റ് താരം ഫരീദ് ഹുസൈന്‍ വാഹനാപകടത്തില്‍ മരിച്ചു. ഓഗസ്റ്റ് 20ന് കാശ്മീരിലെ പൂഞ്ച് ജില്ലയിലായിരുന്നു അപകടം സംഭവിച്ചത്.ഇതിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്. ഗുരുതരമായി പരിക്കേറ്റ ഫരീദിനെ ആശുപത്രിയിലെത്തിച്ചെങ്കിലും ചികിത്സയിലിരിക്കെയാണ് മരിച്ചത്.

റോഡ് വക്കില്‍ നിര്‍ത്തിയിട്ട കാറിന്റെ ഡോര്‍ അശ്രദ്ധമായി തുറന്നപ്പോഴായിരുന്നു അപകടം സംഭവിച്ചത്. ഡോര്‍ പെട്ടെന്ന് തുറന്നതിനെ തുടര്‍ന്ന് ഫരീദിന്റെ സ്‌കൂട്ടര്‍ പെട്ടെന്ന് ഡോറിലേക്ക് ഇടിച്ചു കയറുകയായിരുന്നു. ംസ്ഥാനത്തെ പ്രാദേശിക ക്രിക്കറ്റ് മത്സരങ്ങളില്‍ അറിയപ്പെടുന്ന താരമായിരുന്നു ഫരീദ്. നിരവധി ടൂര്‍ണമെന്റുകളില്‍ അദ്ദേഹം പങ്കെടുത്തിട്ടുണ്ട്.

കഴിവുള്ള ക്രിക്കറ്റ് താരമെന്ന് പലരും വിലയിരുത്തിയ അദ്ദേഹത്തിന്റെ കരിയറിന്റെ പ്രാരംഭ ഘട്ടത്തിലായിരുന്നു മരണം കവര്‍ന്നെടുത്തത്. ിസിടിവിയില്‍ പതിഞ്ഞ അപകടത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ ചര്‍ച്ചയാവുന്നു. നിരത്തിലെ ഇത്തരം അശ്രദ്ധമായ പ്രവൃത്തികള്‍ അപകടങ്ങള്‍ ക്ഷണിച്ചുവരുത്തുമെന്നും ജീവന്‍ നഷ്ടമാകുന്നതിന് കാരണമാകുമെന്നും പലരും അഭിപ്രായപ്പെട്ടു.

ഫരീദിന്റെ മരണം ക്രിക്കറ്റ് ലോകത്തിനും തീരാ നഷ്ടമാണെന്നാണ് വിലയിരുത്തുന്നത്. പൊലീസ് കേസെടുത്ത് അന്വേഷണം തുടങ്ങി