ചരക്കു സേവന നികുതി (ജി.എസ്.ടി) സ്‌ളാബുകള്‍ നാലില്‍ നിന്ന് രണ്ടായി കുറയ്ക്കാന്‍ തീരുമാനമായി. നിര്‍ദ്ദേശം 56ാമത് ജി.എസ്.ടി കൗണ്‍സില്‍ യോഗം അംഗീകരിച്ചതായി കേന്ദ്രധനമന്ത്രി നിര്‍മ്മല സീതാരാമന്‍ അറിയിച്ചു. സെപ്തംബര്‍ 22 മുതല്‍ പ്രാബല്യത്തില്‍ വരും. ഇതോടെ നിത്യോപയോഗ സാധനങ്ങളുടെ വില കുറയും.

നിലവിലെ 12%, 28% സ്‌ളാബുകള്‍ നിറുത്തലാക്കാനും 5%, 18% നിരക്കുകള്‍ തുടരാനുമാണ് തീരുമാനം. 12 ശതമാനം ജി.എസ്.ടിയുള്ള 99 ശതമാനം ഉത്പന്നങ്ങളുടെയും നികുതി അഞ്ച് ശതമാനമായി കുറയും. 28 ശതമാനം നികുതിയുള്ള 90 ശതമാനം ഉത്പന്നങ്ങളുടെ നികുതി 18 ശതമാനമാകും. ആഡംബര ഉത്പന്നങ്ങള്‍ക്കും ഹിതകരമല്ലാത്തവയ്ക്കും 40 % ജി.എസ്.ടി ഏര്‍പ്പെടുത്തും. നിലവില്‍ 12 ശതമാനം നികുതിക്ക് കീഴിലുള്ള ഏകദേശം 99 ശതമാനം ഇനങ്ങളും 5 ശതമാനത്തിലേക്കും 28 ശതമാനം നികുതി ചുമത്തുന്ന 90 ശതമാനം സാധനങ്ങളും 18 ശതമാനം വിഭാഗത്തിലേക്കും മാറും.

വരുമാനം കുറയുന്നതിനാല്‍ നഷ്ട പരിഹാരം വേണമെന്ന് കേരളം. ഇതേ ആവശ്യം ഹിമാചല്‍പ്രദേശ്, കര്‍ണാടക, ജാര്‍ഖണ്ഡ്, പഞ്ചാബ്, തമിഴ്‌നാട്, ജമ്മുകാശ്മീര്‍, തെലങ്കാന, പശ്ചിമ ബംഗാള്‍ സംസ്ഥാനങ്ങളും ഉന്നയിച്ചു.എ.സി, വാഷിംഗ് മെഷീന്‍, ടി.വി, സിമന്റ്, 1200 സിസി വരെയുള്ള ചെറുകാറുകള്‍, 350 സിസി വരെയുള്ള ഇരുചക്രവാഹനങ്ങള്‍, ഓട്ടോറിക്ഷ, ആംബുലന്‍സ് എന്നിവയുടെ ജി.എസ്.ടി 28%ല്‍ നിന്ന് 18% ആയി കുറയും .

2500 രൂപ വരെ വിലയുള്ള തുണിത്തരങ്ങളും ചെരുപ്പുകളും, ടൂത്ത് പേസ്റ്റ്, സോപ്പ്ഷാമ്പു, കോണ്‍ഫ്‌ളേക്‌സ്, പേസ്ട്രി, ബിസ്‌ക്കറ്റ്, ഐസ്‌ക്രീം, മിനറല്‍ വാട്ടര്‍ എന്നിവ 18%ല്‍ നിന്ന് 5%ത്തിലേക്ക് മാറും. ട്രാക്ടര്‍, രാസവളം, കീടനാശിനികള്‍, ബട്ടര്‍, െ്രെഡ നട്ട്‌സ്, ഉപ്പുള്ള പലഹാരങ്ങള്‍ എന്നിവയുടെ ജി.എസ്.ടി 12%ല്‍ നിന്ന് 5%ലേക്ക് മാറും.