ഇന്ത്യന്‍ ദേശീയപതാകയെ പ്രധാനമന്ത്രി നരേന്ദ്ര മോഡി അപമാനിച്ചുവെന്ന പരാതി പരിഗണിക്കുമെന്ന് ഡല്‍ഹി മെട്രോപോളിറ്റന്‍ കോടതി. കഴിഞ്ഞ വര്‍ഷം സംഘടിപ്പിച്ച രാജ്യാന്തര യോഗ ദിനത്തിലും അമേരിക്കന്‍ പര്യടനത്തിനിടെയിലും മോഡി ദേശീയ പതാകയെ അപമാനിച്ചുവെന്നായിരുന്നു പരാതി. കേസ് ഫയലില്‍ സ്വീകരിച്ച കോടതി മെയ് ഒമ്പതിന് പരിഗണിക്കുന്നതിനായി മാറ്റിവച്ചു.
ആശിഷ് ശര്‍മ്മ എന്നയാളാണ് പരാതിക്കാരന്‍. ദേശീയപതാകയെ അപമാനിക്കുന്നത് തടയുന്ന നിയമം, ഇന്ത്യന്‍ ഫഌഗ് കോഡ് എന്നിവ മോഡി ലംഘിച്ചുവെന്നാണ് പരാതിയില്‍ ചൂണ്ടിക്കാട്ടുന്നത്. പല തവണ മോഡി ഇതാവര്‍ത്തിച്ചിട്ടുണ്ടെന്നും ആരോപിക്കുന്നു.
ഇന്ത്യാ ഗേറ്റില്‍ സംഘടിപ്പിച്ച യോഗ ദിനാചരണത്തിനിടെ ദേശീയപതാകയെ മോഡി വിയര്‍പ്പ് തുടയ്ക്കുന്നതിനുള്ള തൂവാലയായി ഉപയോഗിച്ചുവെന്നും പരാതിക്കാരന്‍ ആരോപിച്ചു. അമേരിക്കന്‍ സന്ദര്‍ശനവേളയില്‍ പ്രസിഡന്റ് ബരാക് ഒബാമയ്ക്ക് കയ്യൊപ്പ് പതിപ്പിച്ച ദേശീയപതാക കൈമാറിയതുമാണ് പരാതിക്ക് അടിസ്ഥാനമാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha