ഉത്തരേന്ത്യയിലും പാകിസ്താനിലും ഭൂചലനത്തില് മൂന്നു പേര് മരിച്ചു, നിരവധി പേര്ക്ക് പരുക്ക്
ഉത്തരേന്ത്യയിലും പാകിസ്താനിലും ഭൂചലനത്തില് മൂന്നു പേര് മരിച്ചു. ഹിന്ദുക്കുഷ് മലനിരകള് കേന്ദ്രീകരിച്ചുണ്ടായ ഭൂചലനത്തിലാണ് മരണം സംഭവിച്ചത്ഹ. നിരവധിപ്പേര്ക്കു പരുക്കേറ്റു. ഭൂചലനത്തിന്റെ പ്രകമ്പനം അഫ്ഗാനിസ്ഥാന്, താജിക്കിസ്ഥാന്, പാകിസ്താന്, ഇന്ത്യ എന്നിവിലടങ്ങളിലും അനുഭവപ്പെട്ടു. റിക്ടര് സ്കെയിലില് 6.6 രേഖപ്പെടുത്തിയ ഭൂചലനം 15 സെക്കന്ഡുകള് നീണ്ടു.
പാകിസ്താനില് ഖൈബര് പഖ്തുന്ഖ്വ മേഖലയിലാണ് മൂന്നുമരണം ഉണ്ടായത്. പാകിസ്താനിലും അഫ്ഗാനിസ്ഥാനിലും കെട്ടിടങ്ങള്ക്കു നാശമുണ്ടായതായി റിപ്പോര്ട്ടുണ്ട്.
ജമ്മുകശ്മീര്, ഡല്ഹി, പഞ്ചാബ്, ഹരിയാന എന്നി സംസ്ഥാനങ്ങളില് ഭൂചലനം ഭീതി പടര്ത്തി. ഉച്ചകഴിഞ്ഞ് 3.58 നാണ് ഡല്ഹിയില് ഭൂചലനം അനുഭവപ്പെട്ടത്. ഭൂചലനത്തെ തുടര്ന്നു ഡല്ഹി മെട്രോ സര്വീസുകള് അല്പസമയത്തേക്കു നിര്ത്തിവച്ചു. ഇന്ത്യയില് കാര്യമായ നഷ്ടമുണ്ടായതായി റിപ്പോര്ട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
