ലോകത്തെ ഏറ്റവും ഉയര്‍ന്നതും തണുത്തതുമായി യുദ്ധഭൂമി എന്ന നിലയില്‍ ലോകപ്രശസ്തമാണ് സിയാച്ചിന്‍. ഇന്ത്യയുടേതും പാകിസ്താന്റേതുമായി അനേകം ജവാന്മാര്‍ കൊടുംതണുപ്പിലും വിപരീത സാഹചര്യത്തിലും മരിച്ചു വീഴുന്ന ഇവിടെ സൈനികര്‍ക്ക് തുണയാകുകയാണ് വിക്രം സാരാഭായി സ്‌പേസ് സെന്റര്‍. കനത്ത തണുപ്പ് നേരീടുന്ന സിയാച്ചിന്‍ പ്രവശ്യയിലെ പട്ടാളക്കാരെ സംരക്ഷിക്കുന്നതിന് പ്രത്യേകതരം വസ്ത്രം നിര്‍മ്മിച്ചിരിക്കുകയാണ് സ്‌പേസ് സെന്റര്‍.
ലോകത്തിലെ ഏറ്റവും കനം കുറഞ്ഞ പദാര്‍ഥങ്ങള്‍കൊണ്ടുള്ള വസ്ത്രം 'സിലിക്ക എയ്‌റൊ ജെല്‍' എന്നുപേരിട്ടിരിക്കുന്നു. പശപേലുള്ള ഒരുതരം പദാര്‍ഥം ഉപയോഗിച്ച് തയ്യാറാക്കിരിക്കുന്ന വസ്ത്രത്തിന് ചൂട് സംരക്ഷിക്കാനുള്ള അസാമാന്യമായ കഴിവുണ്ട്.
സിയാച്ചിനടക്കം തണുപ്പ് ജീവനു ഭീഷണിയാകുന്ന പ്രദേശങ്ങളിലും ഏറെ പ്രയോജകമാണ് വസ്ത്രമെന്നും ഗവേഷകര്‍ വ്യക്തമാക്കുന്നു.
കനത്തതണുപ്പില്‍ ജീവിക്കുന്ന പട്ടാളക്കാരുടെ വസ്ത്രത്തില്‍ സിലിക്ക ജെല്‍ കൊണ്ടുള്ള ആവരണം നല്‍കുന്നത് ശീരീര താപത്തെ നിലനിര്‍ത്താനും അതിലുടെ തണുപ്പിനെ അതിജീവിക്കാനും കഴിയും . 99 ശതമാനം വായു ഉപയോഗിച്ചാണ് 'തണുത്തുറഞ്ഞ പുക' എന്ന് വിശേഷിപ്പിക്കുന്ന എയ്‌റൊ ജെല്‍ നിര്‍മ്മിച്ചിരിക്കുന്നത്. ലോകത്തില്‍ മനുഷ്യ നിര്‍മ്മിതമായ ഏറ്റവും കനംകുറഞ്ഞ വസ്ത്രമെന്നതും മറ്റൊരു പ്രത്യേകത.

റെക്കറ്റുകളുടെ പ്രതലത്തിലെ ചൂടുപ്രതിരോധിക്കുവാനുള്ള ആവരണം ബഹിരാകാശ പര്യവേക്ഷണത്തിലും മറ്റ് വ്യാവസായിക ആവശ്യങ്ങള്‍ക്കും സിലിക്ക ജെല്‍ പ്രയോജനകരമാണ്. സിലിക്ക ജെല്‍ ഇന്ത്യയുടെ ചന്ദ്രപര്യവേക്ഷണ ദൗത്യം ചന്ദ്രയാന്‍2 ല്‍ ഉപയോഗിക്കും. ഗ്ലാസ് ജനല്‍ പാളികളില്‍ ഉപയോഗിക്കുന്നതിലുടെ ചൂട് നിയന്ത്രിക്കാന്‍ സാധിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha