പത്താം ക്ലാസ്സ് പരീക്ഷയില്‍ 94.60 % മാര്‍ക്കോടെ മിടുക്കനായി പാസ്സായ അവദൂത് പാട്ടീല്‍ എന്ന വിദ്യാര്‍ഥി ബൈക്ക്, ഇലക്ട്രോണിക്,ആഭരണ മോഷണത്തിന് പോലീസ് പിടിയിലായി. പത്തൊന്‍പതുകാരനായ അവദൂത് പൂനെ കോല്‍ഹാപൂര്‍ സ്വദേശിയാണ്. ഏകദേശം 12.75 ലക്ഷം രൂപയോളം മൂല്യമുള്ള ഉപകരണങ്ങളായ ലാപ് ടോപ്,സ്വര്‍ണം,സ്‌പോര്‍ട്‌സ് ബൈക്കുകള്‍ എന്നിവയാണ് തൊണ്ടിയായി പോലീസ് പിടിച്ചെടുത്തത്. നിലവില്‍, കോല്‍ഹാപൂരിലെ വിവേകാനന്ദ കോളേജിലെ സയന്‍സ് വിദ്യാര്‍ത്ഥിയാണ് അവദൂത്. ഒരു മൊബൈല്‍ ഷോപ്പില്‍ ദിവസംതോറും പുതിയ പുതിയ മോഡല്‍ ഫോണുകള്‍ വില്‍ക്കാന്‍ കൊണ്ടുവരുന്നതില്‍ സംശയം തോന്നിയാണു കടയുടമ ഇക്കാര്യം പോലീസില്‍ അറിയിച്ചത്.അവദൂത് കുറ്റം പോലീസില്‍ സമ്മതിച്ചിട്ടുണ്ട്. എം.എച്ച്‌സി.ഇ.ടി പരീക്ഷയ്ക്ക് തയ്യാറെടുത്തുകൊണ്ടിരിക്കുകയായിരുന്നു പ്രതി. അവദൂതിന്റെ അച്ഛന്‍ ഒരു കര്‍ഷകനും, അമ്മ അങ്കണവാടിയിലെ ടീച്ചറുമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha