പ്രധാനമന്ത്രി നരേന്ദ്ര മോദി മഹാരാഷ്ട്രയിലെ വരച്ചാബാധിത മേഖലകള്‍ സന്ദര്‍ശിക്കണമെന്ന് ശിവസേന എംപി സഞ്ജയ് റൗത്ത്. വിശപ്പു ദാഹവും മൂലം വലയുന്നവരോട് എങ്ങനെയാണ് ഭാരത് മാതാ കി ജയ് വിളിക്കാന്‍ ആവശ്യപ്പെടുക എന്നും അദ്ദേഹം ചോദിച്ചു. രാജ്യസഭയില്‍ മഹാരാഷ്ട്രയിലെ വരള്‍ച്ചാ പ്രശ്‌നത്തെ കുറിച്ച് സംസാരിക്കുകയായിരുന്നു അദ്ദേഹം. പ്രധാനമന്ത്രി രാജ്യത്തും വിദേശത്തും സഞ്ചരിക്കുന്നുണ്്ട്. എന്നാല്‍ വരള്‍ച്ചാ പ്രശ്‌നം രൂക്ഷമായ മറാത്ത്‌വാഡയിലും ബുന്ദേല്‍കണ്ഡിലും ഒരു ദിവസമെങ്കിലും ചെലവഴിക്കാന്‍ പ്രധാനമന്ത്രി തയാറാകണം. അവിടുത്തെ സാഹചര്യങ്ങള്‍ കണ്്ടാല്‍ പ്രധാനമന്ത്രിക്ക് നടപടിയെടുക്കാതിരിക്കാന്‍ കഴിയില്ല-എന്‍ഡിഎ സഖ്യകക്ഷിയായ ശിവസേനയുടെ എംപി ആവശ്യപ്പെടുന്നു. പ്രധാനമന്ത്രിയുടെ കോണ്‍ഗ്രസ് മുക്ത ഭാരത മുദ്രാവാക്യത്തെയും സഞ്ജയ് റൗത്ത് കളിയാക്കി. ആദ്യം പട്ടിണിരഹിത, വരള്‍ച്ചാ രഹിത ഭാരതം സൃഷ്ടിക്കുകയാണ് വേണ്്ടതെന്നും മറ്റുള്ളവ തനിയെ സംഭവിച്ചുകൊള്ളുമെന്നും റൗത്ത് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha