കേസിലെ കുരുക്ക് മുറുകുമ്പോഴും ഭീഷണിയുടെ സ്വരവുമായി മദ്യരാജാവ് വിജയ് മല്യ. തന്നെ അറസ്റ്റ് ചെയ്യുകയോ പാസ്‌പോര്‍ട്ട് പിടിച്ചെടുക്കുകയോ ചെയ്താല്‍ ബാങ്കുകള്‍ക്ക് ഒരു രൂപ പോലും കിട്ടാന്‍ പോകുന്നില്ലെന്ന് മല്യ വ്യക്തമാക്കി. രാജ്യാന്തര ഇംഗ്ലീഷ് ദിനപത്രമായ ഫിനാന്‍ഷ്യല്‍ ടൈംസിന് നല്‍കിയ ദീര്‍ഘമായ അഭിമുഖത്തിലാണ് മല്യ നിലപാട് വ്യക്തമാക്കിയത്.ഇന്ത്യയില്‍ നിന്ന് തന്നെ നിര്‍ബന്ധിച്ച് നാടുകടത്തുകയായിരുന്നു. ഇപ്പോഴത്തെ സാഹചര്യത്തില്‍ ലണ്ടന്‍ വിടാന്‍ ഉദ്ദേശിക്കുന്നില്ലെന്നും അദ്ദേഹം പറഞ്ഞു. വായ്പ തിരിച്ചടക്കുന്ന വിഷയത്തില്‍ ബാങ്കുകളുമായി പലതവണ ചര്‍ച്ചനടത്തിയിരുന്നു. പ്രശ്‌നം തീര്‍ക്കണമെന്നാണ് ആഗ്രഹം. വായ്പക കുടിശികയുടെ കാര്യത്തില്‍ താങ്ങാന്‍ പറ്റുന്ന തുകയാണെങ്കില്‍ തിരിച്ചടയ്ക്കാന്‍ തയാറാണ്.കിങ്ഫിഷര്‍ എയര്‍ലൈന്‍സിന്റെ വായ്പയും പലിശയും സഹിതം ഏകദേശം 9000 കോടി രൂപയാണ് മല്യ തിരിച്ചടയ്ക്കാനുള്ളത്. വായ്പ എടുത്ത തുകയ്ക്ക് 2013 വരെയുള്ള പലിശ സഹിതം 6800 കോടി തിരിച്ചടയ്ക്കാന്‍ തയാറാണെന്ന് അറിയിച്ചിരുന്നു. എന്നാല്‍ ബാങ്കുകള്‍ ഇത് തള്ളി. അംഗീകരിക്കാവുന്ന തുകയാണെങ്കില്‍ പണമടച്ച് പ്രശ്‌നം പരിഹരിക്കാന്‍ തയാറാണെന്നും അദ്ദേഹം പറയുന്നു.ഇതിന് പുറമെ ഐ.ഡി.ബി.ഐ ബാങ്കില്‍ നിന്ന് വായ്പ എടുത്ത 900 കോടി രൂപ വകമാറ്റി വിദേശത്ത് സ്വത്ത് വാങ്ങാന്‍ ഉപയോഗിച്ചെന്ന കേസും മല്യക്കെതിരെയുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക