തനിക്കു നേരെ അശ്ലീല സംഭാഷണവും കൈയ്യേറ്റവും ചെയ്യാന്‍ വന്ന പൂവാലന്മാരെ സ്വയരക്ഷയ്ക്കു വേണ്ടി നേരിട്ട മണിപൂരി വനിതയ്ക്ക് അവസാനം നേരിടേണ്ടി വന്നത് ജയില്‍ ശിക്ഷ. മുംബൈയിലെ കാലിന എന്ന പ്രദേശത്താണ് സംഭവം അരങ്ങേറിയത്. ഇരുപത്തിയഞ്ചുകാരിയായ മണിപൂരി വനിതയും കൂട്ടുകാരിയുമായി തങ്ങളുടെ മറ്റൊരു കൂട്ടുകാരിയുടെ പിറന്നാള്‍ ആഘോഷത്തില്‍ പങ്കെടുത്തിട്ട് മടങ്ങുകയായിരുന്നു.പുലര്‍ച്ചെ ഒന്നര ആയതിനാല്‍ ഓട്ടോറിക്ഷ കാത്ത് നില്ക്കുകയായിരുന്നു രണ്ടുപേരും. സമീപത്ത് നിന്നിരുന്ന മൂന്നു പുരുഷന്മാര്‍ ഇവര്‍ക്ക് നേരെ അശ്ലീല ചുവയുള്ള വാക്കുകള്‍ പ്രയോഗിക്കുകയും അവരുടെ നേരേ അടുത്ത് കൈയ്യേറ്റം ചെയ്യാനും ആരംഭിച്ചു. അവിടെ നിന്നും ഓടി രക്ഷപ്പെട്ട രണ്ടുപേരും ബര്‍ത്ത്‌ഡേ പാര്‍ട്ടി നടന്ന വീട്ടിലേക്കു ഓടിക്കയറി. അവരെ പിന്തുടര്‍ന്ന് മൂന്നു പൂവാലന്മാരും വന്നിരുന്നു. അവിടെയുണ്ടായിരുന്ന മറ്റു മൂന്നു സുഹൃത്തുക്കളോടൊപ്പം പെണ്‍കുട്ടി അവരെ ആക്രമിച്ചു. ഉടന്‍ തന്നെ പോലീസിനെ വിളിക്കുകയും അവര്‍ സ്ഥലത്തെത്തി പൂവലന്മാരെയും പെണ്‍കുട്ടിയെയും കസ്റ്റഡിയില്‍ എടുത്തു. പെണ്‍കുട്ടിയുടെ പരാതിപ്രകാരം പിടിയിലായവരുടെ മേല്‍ എഫ്.ഐ.ആര്‍ ചാര്‍ത്തിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha