കടം തിരിച്ചടയ്ക്കാനാവാതെ ലണ്ടനിലേക്ക് ഒളിച്ചോടിപ്പോയ വ്യവസായി വിജയ് മല്യ രാജ്യസഭാംഗത്വം രാജിവച്ചു.

അംഗത്വം റദ്ദാക്കാന്‍ രാജ്യസഭയുടെ എത്തിക്‌സ് കമ്മിറ്റി ഇന്ന് അന്തിമ തീരുമാനമെടുക്കാനിരിക്കെയാണ് അദ്ധ്യക്ഷന്‍ ഹമീദ് അന്‍സാരിക്ക് രാജിക്കത്ത് നല്‍കിയത്.

കോണ്‍ഗ്രസ് അംഗം കരണ്‍സിംഗ് അദ്ധ്യക്ഷനായ കമ്മിറ്റി വിശദീകരണം നല്‍കാന്‍ മല്യയ്ക്ക് ഒരാഴ്ച അനുവദിച്ചിരുന്നു.

മാര്‍ച്ച് രണ്ടിന് ലണ്ടനിലേക്ക് കടന്ന മല്യയെ പ്രോസിക്യൂട്ട് ചെയ്യാന്‍ ഹമീദ് അന്‍സാരി അനുമതി നല്‍കിയതിന് പിന്നാലെയാണ് എത്തിക്‌സ് കമ്മിറ്റി രാജ്യസഭാംഗത്വം റദ്ദാക്കാന്‍ തീരുമാനിച്ചത്.

2012-ല്‍ അംഗമായ മല്യയുടെ കാലാവധി അടുത്ത മാസം തീരാനിരിക്കെയാണ് കടബാദ്ധ്യത പ്രശ്‌നമായത്. വിദേശകാര്യ മന്ത്രാലയം പാസ്‌പോര്‍ട്ട് റദ്ദാക്കിയെങ്കിലും മല്യ ഉടന്‍ നാട്ടിലേക്ക് മടങ്ങില്ലെന്ന നിലപാടിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha