എസ്‌ഐആറിന് ശേഷം പ്രസിദ്ധീകരിച്ച കരട് വോട്ടർ പട്ടികയിൽ പേരില്ലാത്ത വോട്ടർമാർക്ക് അന്തിമ വോട്ടർ പട്ടികയിൽ പേര് ചേർക്കാൻ 'ഫോം 6' സമർപ്പിക്കാമെന്ന് തെരഞ്ഞെടുപ്പ് കമ്മീഷൻ.

വോട്ടർ പട്ടികയിൽ മുമ്പ് ഉണ്ടായിരുന്നവരാണെങ്കിലും അപേക്ഷ നൽകാമെന്നും കമ്മീഷൻ . പുതുതായി വോട്ടർപട്ടികയിൽ പേര് ചേർക്കുന്നതിന് നൽകുന്നതാണ് ഫോം 6. ഇനി ആദ്യമായാണ് വോട്ടർപട്ടികയിൽ പേര് ചേർക്കാനായി അപേക്ഷിക്കുന്നതെങ്കിൽ അതിനായി സത്യവാങ്മൂലം നൽകുന്ന ഭാഗവും ഇതിലുണ്ട്. ഇനി തെറ്റായ വിവരമാണ് നൽകുന്നതെങ്കിൽ ജനപ്രാതിനിധ്യ നിയമപ്രകാരം കേസെടുക്കാവുന്നതാണ്.
നേരത്തെ വോട്ടർ പട്ടികയിൽ പേരുണ്ടായിരുന്ന വോട്ടർമാർ, 'ഫോം 6'-ൽ നൽകേണ്ടി വരുന്ന സത്യവാങ്മൂലം കാരണം ഇത് സമർപ്പിക്കാനായി മടിക്കുന്നതായി കണ്ടെത്തിയതായും എല്ലാ സംസ്ഥാനങ്ങളിലെയും മുഖ്യതെരഞ്ഞെടുപ്പ് കമ്മീഷണർമാർക്ക് നൽകിയ കത്തിൽ കമ്മീഷൻ അറിയിച്ചു.

കരട് വോട്ടർ പട്ടികയിൽ പേരില്ലാത്ത വോട്ടർമാർക്ക് നിശ്ചിത നടപടിക്രമങ്ങൾ പാലിച്ച് അന്തിമ വോട്ടർ പട്ടികയിൽ പേര് ചേർക്കുന്നതിനായി ഈ ഫോം സമർപ്പിക്കാമെന്നും കമ്മീഷൻ .

മുമ്പ് വോട്ടർ പട്ടികയിൽ പേരുണ്ടായിരുന്ന ഒരാൾ വീണ്ടും ഈ ഫോം സമർപ്പിച്ചെന്ന കാരണത്താൽ നിയമനടപടി സ്വീകരിക്കില്ലെന്നും കമ്മീഷൻ വ്യക്തമാക്കുകയും ചെയ്തു. എന്നാൽ വോട്ടർ ഇതിനകം മറ്റൊരു പാർലമെന്ററി മണ്ഡലത്തിലോ നിയമസഭാ മണ്ഡലത്തിലോ വോട്ടറായി രജിസ്റ്റർ ചെയ്തിട്ടുണ്ടാകാനായി പാടില്ല. കൂടാതെ, സമർപ്പിച്ച സത്യപ്രസ്താവന നിയമപരമായ വ്യവസ്ഥകൾക്ക് അനുസൃതവുമായിരിക്കണമെന്നും നിബന്ധനയുമുണ്ട്.