കാഴ്ചകള്‍ കണ്ട് കൊതി തീര്‍ന്നില്ല പതിനാലുകാരന്‍ നിഹാലിന്. സ്വപ്നങ്ങള്‍ ബാക്കിവെച്ച് നിഹാല്‍ ബിട്‌ല വിടവാങ്ങി. തെലങ്കാനയില്‍ മുത്തച്ഛന്റെ വസതിയിലായിരുന്നു അന്ത്യം. ഇന്ത്യയില്‍ പ്രൊഗേരിയ ബാധിച്ച കുട്ടികളില്‍ ഒരാളായിരുന്നു നിഹാല്‍. ഇത്തരത്തില്‍ അസുഖം ബാധിച്ച കുട്ടികള്‍ക്കായി പ്രവര്‍ത്തിക്കുന്ന ടീം നിഹാല്‍ എന്ന ഫെയ്‌സ്ബുക്ക് പേജിലൂടെയാണ് നിഹാല്‍ പ്രശസ്തനായത്.

ജീവിതത്തില്‍ഡ വലിയൊരാഗ്രഹമായിരുന്നു ബോളിവുഡ് നടന്‍ ആമിര്‍ ഖാനെ കാണുകയെന്നത്. താരേ സമീന്‍ പര്‍ എന്ന ചിത്രം കണ്ടു കഴിഞ്ഞപ്പോള്‍ നിഹാലിന് ആഗ്രഹം വര്‍ധിച്ചു. നിഹാലിന്റെ ആഗ്രഹത്തെ കുറിച്ച് അറിഞ്ഞപ്പോള്‍ ആമിര്‍ നിഹാലിന്റെ സ്വപ്നം യാഥാര്‍ത്ഥ്യമാക്കാന്‍ മുന്നോട്ട് വന്നു. ആമിറുമായുള്ള കൂടിക്കാഴ്ച നിഹാലിന്റെ ജീവിതത്തില്‍ പുതിയ വെളിച്ചം നല്‍കി, ഒപ്പം പ്രതീക്ഷകളും. ആമിര്‍ ഖാന് താന്‍ വരച്ച ഗണേശന്റെ ചിത്രവും സമ്മാനിച്ച് ഫോട്ടോയും എടുത്താണ് നിഹാല്‍ അവിടെ നിന്നും മടങ്ങിയത്. ഇവരുവരുടെയും കൂടിക്കാഴ്ചയുടെ ചിത്രങ്ങള്‍ ടീം നിഹാല്‍ പോസ്റ്റ് ചെയ്തിരുന്നു. ഇനിയും സ്വപ്നങ്ങള്‍ ബാക്കിയാണ് നിഹാലിന്. ഒട്ടേറെ പ്രവര്‍ത്തനങ്ങള്‍ തന്നെ പോലുള്ള കുട്ടികള്‍ക്കു വേണ്ടി ചെയ്യണമെന്ന അതിയായ ആഗ്രഹവും ഉണ്ടായിരുന്നു. എന്നാല്‍ വിധി അതിന് അനുവദിച്ചില്ല.

എട്ടിരട്ടി വേഗത്തില്‍ പ്രായം വര്‍ധിക്കുന്നതാണ് പ്രൊഗേരിയ എന്ന രോഗം. വൈദ്യ ശാസ്ത്ര രംഗത്ത് ഈ രോഗത്തിന് ഇതുവരെ മരുന്ന് കണ്ടുപിടിച്ചില്ല. പാ എന്ന സിനിമയില്‍ അമിതാഭ് ബച്ചന്‍ പ്രൊഗേരിയ രോഗം ബാധിച്ച ഔറ എന്ന കഥാപാത്രത്തെ അവതരിപ്പിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha