ഏറ്റവും സുരക്ഷിത മേഖലയായി പരിഗണിക്കുന്ന ഡല്‍ഹിയിലെ പാര്‍ലമെന്റ് മന്ദിരത്തിനരികെ ഒരു മരത്തില്‍ 39 കാരനായ രാം ദയാല്‍ വര്‍മ്മ എന്ന വ്യക്തി തൂങ്ങി മരിച്ചു. നീല ഷര്‍ട്ടും ജീന്‍സും ധരിച്ചിരുന്ന വര്‍മ്മയെ ഇന്ന് രാവിലെ ഏഴുമണിയോടെയാണ് മരിച്ച നിലയില്‍ കണ്ടെത്തിയത്. ആത്മഹത്യ ചെയ്ത രാം ദയാല്‍ വര്‍മ്മ മധ്യപ്രദേശിലെ ശിവപൂര്‍ സ്വദേശിയാണെന്ന് പോലീസ് കണ്ടെത്തി. മൃതദേഹത്തിന് അരികെ നിന്നും 23 പേജ് ഉള്ള ഒരു അത്മാഹത്യാ കുറിപ്പും പോലീസ് കണ്ടെടുത്തു. ക്രിക്കറ്റ് ബെറ്റിംഗ് കാരണം കടം കൊണ്ട് ആത്മഹത്യ ചെയ്യുന്നു എന്നാണ് കുറിപ്പില്‍ എഴുതിയിരിക്കുന്നതെന്ന് പോലീസ് പറഞ്ഞു. സംഭവ സ്ഥലത്ത് നിന്നും ഒരു ബാഗും കണ്ടെടുത്തു. നാലു കുട്ടികളുടെ പിതാവ് കൂടിയാണ് മരിച്ച രാം ദയാല്‍ വര്‍മ്മ. ഇത്രയും സുരക്ഷയേറിയ ഒരു സ്ഥലത്ത് ഇങ്ങനെയൊരു സംഭവം നടന്നത് സുരക്ഷ മുന്‍കരുതലുകളെ ബാധിക്കുന്ന ഒന്നായാണ് നാം കണക്കാക്കേണ്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha