മുംബൈയിലെ ദാദറിലാണ് ധീരയായ ഈ വൃദ്ധയുടെ സിനിമകളെ വെല്ലുന്ന തരത്തിലുള്ള പോരാട്ട വീര്യം പ്രകടമായത്. 81 വയസ്സുള്ള പുഷ്പബെന്‍ എന്ന സ്ത്രീ തന്റെ റെസ്സിഡന്‍സിയില്‍ നിന്നും ഹനുമാന്‍ ക്ഷേത്രത്തിലേക്ക് പോകുകയായിരുന്നു. അപ്പാര്‍ട്ട്‌മെന്റിന് പുറത്തിറങ്ങിയതും ഒരാള്‍ പെട്ടെന്ന് മുന്നിലേക്ക് വരുകയും താന്‍ െ്രെകം ബ്രാഞ്ചില്‍ നിന്നുമാണെന്നും നിങ്ങള്‍ ഇപ്പോള്‍ അപകടമേഖലയിലാണ്, നിങ്ങളുടെ സ്വര്‍ണാഭരണങ്ങള്‍ ഊരി തന്റെ ബാഗില്‍ ഇടണമെന്നും അടുത്ത ഏരിയയില്‍ വെച്ച് തരാമെന്നും അയാള്‍ പറഞ്ഞു. മാത്രമല്ല ഒരു വ്യാജ ഐ.ഡി കാര്‍ഡ് പെട്ടെന്ന് കാണിച്ച് പോക്കറ്റിലിട്ടു. അയാളുടെ പെരുമാറ്റത്തില്‍ സംശയം തോന്നിയ പുഷ്പബെന്‍ തനിക്കു ആരുടേയും സഹായം വേണ്ടെന്നു പറഞ്ഞു. എന്നാല്‍ അതിനു ശേഷവും അയാള്‍ നിര്‍ബന്ധം പിടിക്കുകയും സ്വര്‍ണം ബലമായി പിടിച്ചുവാങ്ങുവാന്‍ ശ്രമിക്കുകയും ചെയ്തു. തന്റെ കൈയ്യില്‍ കേറി പിടിക്കാന്‍ തുനിഞ്ഞ അക്രമിയെ വൃദ്ധ തന്റെ ഊന്നു വടി ഉപയോഗിച്ച് ശെരിക്കും മര്‍ദ്ദിച്ചു. ഇത് കൂടാതെ അയാളുടെ സഹായികള്‍ ഒരു കാറില്‍ കുറച്ചു ദൂരെ നില്ക്കുന്നുണ്ടായിരുന്നു. പുഷ്പബെന്‍ അയാളെ അടിക്കുന്നത് കണ്ട സമീപത്തുള്ള കടക്കാരും മറ്റുള്ളവരും വന്നു അയാളെ പിടിച്ച് കൈകാര്യം ചെയ്യുകയും പോലീസില്‍ ഏല്‍പ്പിക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha