കേരളത്തില്‍ ഇടതു തരംഗം ഉണ്ടാകുമെന്ന് എക്‌സിറ്റ് പോള്‍ പ്രവചനം. ഇന്ത്യ ടുഡേ- ആക്‌സിസ് മൈ ഇന്ത്യ അഭിപ്രായ സര്‍വേയിലാണ് കേരളത്തില്‍ ഇടതു തരംഗവും ഭരണമാറ്റവും ഉണ്ടാകുമെന്ന് പ്രവചിച്ചിരിക്കുന്നത് ഇടതുപക്ഷത്തിന് 88 മുതല്‍ 101സീറ്റുകള്‍വരെ ലഭിക്കാമെന്നു അഭിപ്രായ സര്‍വേ പ്രവചിക്കുന്നു. ബിജെപി ഇത്തവണ അക്കൗണ്ട് തുറക്കുമെന്നും ആക്‌സിസ് മൈ ഇന്ത്യ അഭിപ്രായ സര്‍വേ പറയുന്നു. ബിജെപി മൂന്നു സീറ്റുവരെ നേടാമെന്നാണ് പ്രവചനം.എന്നാല്‍ യുഡിഎഫിന് 38 മുതല്‍ 48വരെ സീറ്റുകള്‍ മാത്രമാണ് ലഭിക്കുകയെന്നും പറയുന്നു.ആകെ പോള്‍ ചെയ്തതില്‍ 43 ശതമാനം വോട്ടുകള്‍ ഇടതുപക്ഷത്തിനു ലഭിക്കുമെന്നും സര്‍വെ ഫലങ്ങള്‍ സൂചിപ്പിക്കുന്നു.യുഡിഎഫിന് 35 ശതമാനവും ബിജെപിക്ക് 11 ശതമാനവും വോട്ടു വിഹിതം ലഭിക്കുമെന്നും സര്‍വെ പറയുന്നു.ടുഡേയ്‌സ് ചാണക്യ നടത്തിയ അഭിപ്രായ സര്‍വേയിയിലും കേരളത്തില്‍ ഇടതു ഭരണം ഉണ്ടാകുമെന്നായിരുന്നു പ്രവചനം. 49 ശതമാനം ആളുകള്‍ ഭരണമാറ്റം ആഗ്രഹിക്കുന്നതായും അഭിപ്രായ സര്‍വേ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha