നിയുക്ത മുഖ്യമന്ത്രി പിണറായി വിജയനു മുന്നറിയിപ്പുമായി ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ രംഗത്ത്. ഫാസിസ്റ്റ് മുഖ്യമന്ത്രിയാകാനാണു പിണറായി വിജയന്റെ ശ്രമമെങ്കില്‍ എന്‍ഡിഎ ശക്തമായി നേരിടുമെന്ന് അദ്ദേഹം പറഞ്ഞു. തിരുവനന്തപുരത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.ഭരണം കൈയില്‍ ലഭിച്ചതോടെ സിപിഎം പ്രവര്‍ത്തകര്‍ സംസ്ഥാനത്ത് അഴിഞ്ഞാടുകയാണ്. ബിജെപി പ്രവര്‍ത്തകര്‍ക്കെതിരേ സംസ്ഥാനത്തുടനീളം ആക്രമണം അഴിച്ചുവിടുകയാണെന്നും ഇതു ശക്തമായി പ്രതിരോധിക്കുമെന്നും അദ്ദേഹം പറഞ്ഞു.നിയമസഭാ തെരഞ്ഞെടുപ്പില്‍ എന്‍ഡിഎ മികച്ച പ്രകടനമാണു കാഴ്ചവച്ചത്. എന്‍ഡിഎ അധികാരത്തില്‍ വന്നാല്‍ കേരളത്തില്‍ വര്‍ഗീയ കലാപങ്ങള്‍ അരങ്ങേറുമെന്ന് ഇടതു-വലതു മുന്നണികള്‍ ഒരേപോലെ പ്രചരിപ്പിച്ചു. ഇതു ഒരുപരിധി വരെ വിജയിക്കുകയും ചെയ്തു. എന്നാല്‍ ഇതു താത്കാലിക വിജയം മാത്രമാണെന്നും സാംസ്‌കാരിക മൂല്യമുള്ള കേരളജനത ഇത് എല്ലാം കാലവും അനുവദിക്കില്ലെന്നും കുമ്മനം രാജശേഖരന്‍ കൂട്ടിച്ചേര്‍ത്തു.ബിജെപിയുടെ കേരളത്തിലെ പ്രഥമ എംഎല്‍എ ഒ.രാജഗോപാലിനു സംസ്ഥാനം മുഴുവന്‍ സ്വീകരണം നല്‍കാന്‍ തിരുവനന്തപുരത്തു ചേര്‍ന്ന എന്‍ഡിഎ യോഗം തീരുമാനിച്ചു. മികച്ച വിജയം നേടിയ രാജഗോപാലിനെ യോഗം അഭിനന്ദിച്ചു. കേരളത്തില്‍ ഇരു മുന്നണികള്‍ക്കും ബദലായി എന്‍ഡിഎ എന്ന മൂന്നാം സഖ്യത്തിനു വളര്‍ന്നു വരാന്‍ എല്ലാ സാഹചര്യവു ഉണ്‌ടെന്നും എന്‍ഡിഎ യോഗം വിലയിരുത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha