വീട്ടിലെ പശുവിനെ വീട്ടില്‍ കെട്ടിയിട്ടു വളര്‍ത്തുക അല്ലെങ്കില്‍ ഇതു പോലെ സംഭവിക്കും. കര്‍ണ്ണാടകയിലെ കുന്തപ്പുരം ഹുക്ലാടി ഗ്രാമത്തിലാണ് വിചിത്രമായ സംഭവം നടന്നത്. അയല്‍ക്കാരന്റെ പശു പറമ്പില്‍ കയറിയതിനു തോട്ടത്തിന്റെ ഉടമ പശുവിനെ ജീവനോടെ കുഴിച്ചു മൂടി.
ഹുക്ലാടി ഗ്രാമത്തിലെ കാരിയമ്മ പൂജാത്രിയെന്നയാളുടെ പശുവിനെയാണ് അയല്‍ക്കാരനായ ഗംഗപ്പ ജീവനോടെ മണ്ണില്‍ കുഴിച്ചു മൂടിയത്. പതിവ് പോലെ മേയാന്‍ വിട്ട പശുവിനെ കാണാതെ തിരച്ചില്‍ നടത്തി വരുന്നതിനിടയിലാണ് അയല്‍ക്കാരന്‍ ഗംഗപ്പയുടെ പറമ്പില്‍ പുതുതായി കുഴി കണ്ടത്. സംശയം തോന്നി കുഴി തിരഞ്ഞു നോക്കിയപ്പോഴാണ് പശുവിനെ കണ്ടെത്തിയത്. തുടര്‍ന്ന് നാട്ടുകാരുടെ സഹായത്തോടെ പശുവിനെ പുറത്തെടുത്തപ്പോള്‍ ജീവനുണ്ടായിരുന്നെങ്കിലും അധികം വൈകാതെ പശു ചത്ത് പോവുകയും ചെയ്തു. സംഭവത്തില്‍ പോലീസ് ഗംഗപ്പയെ അറസ്റ്റു ചെയ്തു ചോദ്യം ചെയ്തപ്പോഴാണ് പശുവിനെ ജീവനോടെ കുഴിച്ചു മൂടിയ കാര്യം തുറന്നു സമ്മതിച്ചത്. സ്ഥിരമായ ശല്യം കൊണ്ടാണ് ഇത് ചെയ്യേണ്ടി വന്നതെന്ന് ഗംഗപ്പ പോലീസിനോട് പറഞ്ഞു
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha