ഭര്‍ത്താവില്‍ നിന്നു തന്നെ ഗര്‍ഭം ധരിക്കണമെന്ന ആഗ്രഹവുമായി മരിച്ച ഭര്‍ത്താവിന്റെ ബീജം ലഭ്യമാക്കണമെന്ന് ആവശ്യപ്പെട്ട് യുവതി ഡല്‍ഹി എയിംസ് ആശുപത്രിയിയെ സമീപിച്ചു. വിവാഹം കഴിഞ്ഞ് ഏതാനും വര്‍ഷങ്ങളായെങ്കിലും ദമ്പതികള്‍ക്ക് കുട്ടികളില്ലായിരുന്നു. ആകസ്മികമായി ഭര്‍ത്താവ് മരണമടഞ്ഞതിനെ തുടര്‍ന്ന് ഭര്‍ത്താവില്‍ നിന്നു തന്നെ ഗര്‍ഭം ധരിക്കണമെന്ന ആഗ്രഹപ്രകാരമാണ് യുവതി എയിംസിലെ ഡോക്ടര്‍മാരെ സമീപിച്ചത്.
എന്നാല്‍ ഇന്ത്യയില്‍ പോസ്റ്റ്‌മോര്‍ട്ടം സ്‌പേം റട്രൈിവലിനെക്കുറിച്ച് വ്യക്തമായ മാര്‍ഗനിര്‍ദ്ദേശം നിലവിലില്ലാത്തതിനാല്‍ യുവതിയുടെ ആഗ്രഹം നടപ്പിലായില്ല. ബീജം നീക്കം ചെയ്യുന്നതിന് യുവതിയുടെ ഭത്തൃവീട്ടുകാര്‍ക്കും പൂര്‍ണ സമ്മതമായിരുന്നു. വ്യക്തമായ മാര്‍ഗനിര്‍ദ്ദേശം നിലവിലില്ലാത്തതിനാല്‍ ബീജം നീക്കം ചെയ്യാനാകില്ലെന്ന് എയിംസ് അധികൃതര്‍ വ്യക്തമാക്കി.
ഒരാളുടെ മരണശേഷം ഒരു ദിവസമെങ്കിലും ടെസ്റ്റിക്കുലാര്‍ കാവിറ്റിയില്‍ ബീജം നിലനില്‍ക്കുമെന്ന് എയിംസിലെ ഫോറന്‍സിക് മേധാവി ഡോ. സുധീര്‍ ഗുപ്ത പറഞ്ഞു. അഞ്ച് മിനിറ്റ് കൊണ്ട് ബീജം നീക്കം ചെയ്യാനാകുമെന്നും അദ്ദേഹം കൂട്ടിച്ചേര്‍ത്തു. എന്നാല്‍ കൃത്യമായ സര്‍ക്കാര്‍ മാര്‍ഗനിര്‍ദ്ദേശം നിലവിലില്ലാത്തതിനാല്‍ ഇപ്പോള്‍ ബീജം നീക്കം ചെയ്യുന്നത് സാധ്യമല്ലെന്നും സുധീര്‍ ഗുപ്ത കൂട്ടിച്ചേര്‍ത്തു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ ബുക്ക്‌ Like ചെയ്യുക

https://www.facebook.com/Malayalivartha