ബാങ്ക് വിവരങ്ങള് ചോര്ത്തി മലയാളികളുടെ കോടികള് കവര്ന്ന ഓണ്ലൈന് തട്ടിപ്പ് സംഘത്തിലെ മുഖ്യകണ്ണികള് അറസ്റ്റില്
ബാങ്ക് ഡേറ്റാ ബേസ് വിവരങ്ങള് ചോര്ത്തി മലയാളികളുടെ കോടികള് കവര്ന്ന ഓണ്ലൈന് തട്ടിപ്പ് സംഘത്തിലെ മുഖ്യ കണ്ണികള് ഡല്ഹിയില് അറസ്റ്റിലായി. അഞ്ച് ദേശസാല്കൃത ബാങ്കുകളുടെ ഡേറ്റാ ബേസ് വിവരങ്ങളാണ് ചോര്ത്തി ഒരു വര്ഷത്തിനിടെ കോടികളുടെ തട്ടിപ്പ് നടത്തിയത്. സംഘത്തിലെ മുഖ്യ കണ്ണികളായ രണ്ടുപേരാണ് സൈബര് െ്രെകം പൊലീസിന്റെ പിടിയിലായത്.
സെന്ട്രല് ഡല്ഹിയിലെ പട്ടേല് നഗര് സ്വദേശികളായ സൗരബ്, റിഷിനാറുള്ള എന്നിവരെ അന്വേഷണ സംഘം വിദഗ്ധമായി പിടികൂടുകയായിരുന്നു.
അന്വേഷണം വീണ്ടും ഊര്ജ്ജിതമാക്കുന്നതിനിടയില് മൊബൈല് ടവര് ലൊക്കേഷന് കേന്ദ്രീകരിച്ച് നടത്തിയ പരിശോധനയില് പ്രതികളെ സംബന്ധിച്ച് അന്വേഷണ സംഘത്തിന് നിര്ണായക വിവരങ്ങള് ലഭിച്ചു. പിന്നീട് ഡല്ഹി പൊലീസുമായി സഹകരിച്ച് നടത്തിയ അന്വേഷണത്തിലാണ് തട്ടിപ്പ് സംഘത്തിന്റെ പ്രധാന ഇടനിലക്കാര് അറസ്റ്റിലായത്. പ്രതികളെ തീസ് ഹസാരി കോടതിയില് ഹാജരാക്കി. ഇവരെ വിശദമായി ചോദ്യം ചെയ്യുന്നതിലൂടെ ശൃംഖലയുടെ പ്രവര്ത്തനം സംബന്ധിച്ച നിര്ണായക വിവരങ്ങള് ലഭിക്കുമെന്ന പ്രതീക്ഷയിലാണ് അന്വേഷണ സംഘം.
ബാങ്ക് അക്കൗണ്ട് വിവരങ്ങള് രഹസ്യമായി സൂക്ഷിച്ചിരിക്കുന്ന ഡേറ്റാ ബേസ് സെര്വറില് കടന്നുകയറിയാണ് ഹാക്കര്മാര് കോടികളുടെ തട്ടിപ്പിന് കളമൊരുക്കിയത്. സെര്വറില് നിന്ന് ഉപഭോക്താക്കളുടെ പേരും വിലാസവും അക്കൗണ്ട് സംബന്ധിച്ച സൂക്ഷ്മമായ വിവരങ്ങള് വരെ തട്ടിപ്പ്സംഘം കൈക്കലാക്കും.
തുടര്ന്ന് മാഗ്നറ്റിക് എടിഎം കാര്ഡുകള് ചിപ്പ് കാര്ഡുകളാക്കി പുതുക്കണം എന്ന നിര്ദേശത്തോടെ ഉപഭോക്താക്കളെ ഫോണില് ബന്ധപ്പെടും. വിശ്വാസ്യത ഉറപ്പിക്കാന് എടിഎം കാര്ഡിന് പിന്നിലെ 16 അക്ക നമ്പര് കൃത്യമായി പറയും. മിനിറ്റുകള്ക്കകം ഉപഭോക്താവിന്റെ ഫോണിലേക്ക് ഒടിപി നമ്പര് അഥവാ വണ് ടൈം പാസ്്വേഡ് എസ്എംഎസ് ആയി അയക്കും. ഈ പാസ്വേഡ് ചോദിച്ചറിഞ്ഞാണ് തട്ടിപ്പ് സംഘം അക്കൗണ്ടില് നിന്ന് പണം പിന്വലിക്കുന്നത്. ഒരുവര്ഷത്തിനിടെ കേരളത്തില്നിന്നുമാത്രം ഇത്തരത്തില് 130 കോടിരൂപയുടെ തട്ടിപ്പ് നടന്നതായാണ് പൊലീസിന് ലഭിച്ച വിവരം.
https://www.facebook.com/Malayalivartha
