ഉടന്‍ നടക്കാനിരിക്കുന്ന ലോക്‌സഭാ തെരഞ്ഞെടുപ്പില്‍ 20 സംസ്ഥാനങ്ങളില്‍ സ്ഥാനാര്‍ത്ഥി നിര്‍ത്തി മത്സരിക്കുമെന്ന്‌ ആം ആദ്‌മി പാര്‍ട്ടി(ആപ്‌) വ്യക്തമാക്കി. ആം ആദ്‌മി നേതാവും കവിയുമായ കുമാര്‍ വിശ്വാസ്‌ കോണ്‍ഗ്രസ്സ്‌ ഉപാദ്ധ്യക്ഷന്‍ രാഹുല്‍ ഗാന്ധിക്കെതിരെ അമേത്തില്‍ മത്സരിക്കുമെന്നാണ്‌ സൂചന. കോണ്‍ഗ്രസ്സ്‌ അദ്ധ്യക്ഷ സോണിയാ ഗാന്ധിയ്‌ക്കും സമാജ്‌ വാദി നേതാവ്‌ മുലായം സിംഗിനുമെതിരായുള്ള സ്ഥാനാര്‍ത്ഥികളുടെ കാര്യത്തില്‍ തീരുമാനമായിട്ടില്ല.

ആം ആദ്‌മിയുടെ ആഭിമുഖ്യത്തില്‍ ലോക്‌സഭാ തെരഞ്ഞെടുപ്പില്‍ മത്സരിക്കാന്‍ ഈ മാസം 15 വരെ അപേക്ഷിക്കാവുന്നതാണ്‌. ഒരു ലോക്‌സഭാ മണ്ഡലത്തിലെ ഓരോ നിയമസഭാമണ്ഡലത്തിലും കുറഞ്ഞത്‌ 100 വോട്ടര്‍മാരെങ്കിലും പിന്തുണയ്‌ക്കുന്നവര്‍ക്ക്‌ മാത്രമേ പാര്‍ട്ടി ടിക്കറ്റ്‌ നല്‍കുകയുള്ളു. ഫെബ്രുവരി 15-ഓടെ സ്ഥാനാര്‍ത്ഥി പട്ടിക തയ്യാറാക്കാനാണ്‌ ഉദ്ദേശിക്കുന്നതെന്ന്‌ ആപ്‌ ദേശീയ വക്താവ്‌ സഞ്‌ജയ്‌ സിംഗ്‌ സൂചിപ്പിച്ചു. 
ആംആദ്‌മി പാര്‍ട്ടി ദേശിയ തലത്തില്‍ അംഗത്വ വിതരണം ഈ മാസം പത്തിന്‌ ആരംഭിക്കുമെന്ന്‌ ഇതിനകം വ്യക്തമാക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha