മോഹം മാത്രമാകുമെന്ന് പേടി... രാഹുല് ഗാന്ധിയെ പ്രധാനമന്ത്രി സ്ഥാനാര്ത്ഥിയാക്കില്ല, തെരഞ്ഞെടുപ്പിനെ രാഹുല് നേരിടും, അധികാരം കിട്ടിയാല് ?
മോഹങ്ങള് നല്കി രാഹുല് ഗാന്ധിയെ ഒറ്റപ്പെടുത്തേണ്ടെന്ന് കോണ്ഗ്രസില് ധാരണ. രാഹുല് ഗാന്ധിയെ പ്രധാനമന്ത്രി സ്ഥാനാര്ത്ഥിയായി നേരത്തെ പ്രഖ്യാപിക്കില്ല. അതേസമയം പാര്ലമെന്റ് തെരഞ്ഞെടുപ്പില് കോണ്ഗ്രസിനെ രാഹുല്ഗാന്ധി നയിക്കും. കോണ്ഗ്രസ് പ്രവര്ത്തക സമിതി യോഗത്തിലാണ് സോണിയ ഇക്കാര്യം അറിയിച്ചത്.
രാഹുലിന്റെ റോള് ഔദ്യോഗികമായി എഐസിസി സമ്മേളനത്തില് പ്രഖ്യാപിക്കും. പ്രധാനമന്ത്രി സ്ഥാനാര്ത്ഥിയായി രാഹുലിനെ പ്രഖ്യാപിക്കണമെന്ന് പി ചിദംബരം അടക്കമുള്ള നേതാക്കള് ആവശ്യപ്പെട്ടിരുന്നു. തെരഞ്ഞെടുപ്പ് തോല്വികളില് പതറിയ പ്രവര്ത്തകര്ക്ക് രാഹുലിനെ പ്രധാനമന്ത്രി സ്ഥാനാര്ത്ഥിയായി പ്രഖ്യാപിക്കുന്നത് ആത്മവിശ്വാസം നല്കുമെന്നാണ് ഇവരുടെ വാദം. പ്രധാനമന്ത്രി സ്ഥാനാര്ത്ഥിയെ നേരത്തെ പ്രഖ്യാപിക്കുന്നത് കോണ്ഗ്രസിന്റെ കീഴ്വഴക്കങ്ങള്ക്ക് എതിരാണെന്നാണ് മറുപക്ഷം പറയുന്നത്. പാര്ട്ടിക്ക് അധികാരം കിട്ടിയാല് പ്രധാനമന്ത്രി രാഹുല് ഗാന്ധി ആണെന്നുള്ളതില് തര്ക്കമില്ലെന്നും എന്നാല് ഈ തീരുമാനം എടുക്കാനുള്ള അവകാശം കോണ്ഗ്രസ് എംപിമാര്ക്ക് അണെന്നും ഈ വിഭാഗം വാദിക്കുന്നു. രാഹുല് ഗാന്ധിയെ കോണ്ഗ്രസിന്റെ വര്ക്കിംഗ് പ്രസിഡന്റ ആക്കണമെന്നായിരുന്നു മറ്റൊരു നിര്ദ്ദേശം.
എല്ലാ സര്വ്വേ ഫലങ്ങളും കോണ്ഗ്രസിനെതിരായി വന്നതോടെയാണ് രാഹുലിനെ ഉടന് പ്രധാനമന്ത്രി സ്ഥാനാര്ത്ഥിയായി പ്രഖ്യാപിക്കാത്തത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
