ഡല്ഹി വീണ്ടും തിരഞ്ഞെടുപ്പിലേക്ക്, തത്ക്കാലം രാഷ്ട്രപതി ഭരണം
ആം ആദ്മി പാര്ട്ടി സര്ക്കാര് രാജിവെച്ചതോടെ ദില്ലിയില് രാഷ്ട്രപതിഭരണം പ്രഖ്യാപിച്ചേക്കും. ദില്ലിയില് സര്ക്കാര് പിരിച്ചുവിട്ട് തിരഞ്ഞെടുപ്പ് നടത്തണമെന്നാണ് ലെഫ്.ഗവര്ണര്ക്ക് കൈമാറിയ രാജിക്കത്തില് കെജ്രിവാള് ആവശ്യപ്പെട്ടത്.
മുഖ്യമന്ത്രിയുടെ രാജിയെത്തുടര്ന്നുള്ള സാഹചര്യം വിലയിരുത്തി ലെഫ്.ഗവര്ണര് ആഭ്യന്തരമന്ത്രാലയത്തിന് റിപ്പോര്ട്ട് നല്കണം.
സര്ക്കാര് രൂപികരിക്കാന് തയ്യാറല്ല എന്ന് 31 അംഗങ്ങളുളള ബിജെപി വ്യക്തമാക്കിയരുന്നു. കോണ്ഗ്രസിനാണെങ്കില് 8 അംഗങ്ങള് മാത്രമാണുള്ളത്. അതുകൊണ്ട് തിരഞ്ഞെടുപ്പ് മാത്രമാണ് മുന്നിലുള്ള വഴി. എന്നാല് ദില്ലിയില് രാഷ്ട്രപതിഭരണം നടത്താനാണ് കേന്ദ്രസര്ക്കാരിന്റെ നീക്കം.
പൊതുതിരഞ്ഞെടുപ്പിനൊപ്പം ഡല്ഹി, നിയമസഭ തിരഞ്ഞെടുപ്പിനും വേദിയായേക്കും എന്നും അതല്ല രാഷ്ട്രപതിഭരണം നീട്ട ലോക്സഭ തിരഞ്ഞെടുപ്പിനു ശേഷം നിയമസഭ തിരഞ്ഞെടുപ്പ് നടത്തുമെന്നുമുള്ള വാര്ത്തകളാണ് കേന്ദ്രത്തില്നിന്നുള്ളത്. മുഖ്യധാര രാഷ്ട്രീയ പാര്ട്ടികള് കനത്ത വെല്ലുവിളിയായാണ് കെജ്രിവാളിന്റെ രാജിയെ വിലയിരുത്തുന്നത്. വരുന്ന ലോക്സഭ തിരഞ്ഞെടുപ്പില് അഴിമതിക്കെതിരായ പോരാട്ടത്തില് തന്റെ അധികാരത്യാഗം കെജ്രിവാള് പ്രധാന ആയുധമാക്കിയേക്കും.
https://www.facebook.com/Malayalivartha
