മുസ്ലീം ന്യുനപക്ഷങ്ങളുടെ ഉന്നമനത്തിനായി തുല്യാവസര കമ്മീഷന്‍ രൂപീകരണത്തിന് കേന്ദ്രമന്ത്രിസഭാ അംഗീകാരം നല്‍കി. വിദ്യാഭ്യാസ-തൊഴില്‍ മേഖലകളില്‍ ന്യുനപക്ഷ സമുദായങ്ങള്‍ക്കുള്ള വിവേചനം പരിശോധിക്കുന്നതിനുള്ള ജസ്റ്റീസ് സച്ചാര്‍ കമ്മിറ്റി റിപ്പോര്‍ട്ടിന്റെ അടിസ്ഥാനത്തിലാണ് കമ്മീഷന്‍ രൂപീകരണം. കല്‍ക്കരി മേഖലയില്‍ എക്‌സിക്യുട്ടീവ് ഓര്‍ഡറിലുടെ നിയന്ത്രണം ഏര്‍പ്പെടുത്താനും മന്ത്രിസഭ തീരുമാനിച്ചു. രാഷ്ട്രീയ പ്രതിസന്ധി നേരിടുന്ന ആന്ധ്രാപ്രദേശില്‍ രാഷ്ട്രപതി ഭരണം ഏര്‍പ്പെടുത്തുന്നതിനുള്ള ഗവര്‍ണറുടെ ശിപാര്‍ശ മന്ത്രിസഭയുടെ രാഷ്ട്രീയകാര്യ സമിതി പരിഗണിക്കുന്നുണ്ട്.