ഗൂഗിളിന്റെ ഏറ്റെടുക്കല് വാഗ്ദാനം നിരസിച്ച ഇന്ത്യന് കമ്പനിയായ സലോറിക്സ് അടച്ചു പൂട്ടി
ഗൂഗിളിന്റെ ഏറ്റെടുക്കല് വാഗ്ദാനം രണ്ടു പ്രാവശ്യം നിരസിച്ച കമ്പനി അടച്ചു പൂട്ടി. ഏറ്റെടുക്കലിന് തയ്യാറാകണമെന്ന നിക്ഷേപകരുടെ ആവശ്യം കമ്പനി മേധാവി അംഗീകരിക്കാത്തതിന്റെ പേരിലുളള തര്ക്കം മൂത്താണ് 35 ജീവനക്കാരുള്ള സലോറിക്സ് എന്ന സ്ഥാപനം പൂട്ടിയത്.
സോഷ്യല് മീഡിയ വിശകലനത്തിനും വ്യവസായ-വാണിജ്യ മേഖലകളിലെ ബ്രാന്ഡ് സ്വാധീനം പരിശോധിക്കാനുളള സാങ്കേതിക വിദ്യ വികസിപ്പിച്ച സെലോറിക്സിനെ ഏറ്റെടുക്കാന് കഴിഞ്ഞ വര്ഷവും തലേവര്ഷവും ഗൂഗിള് ശ്രമിച്ചിരുന്നു. പക്ഷേ വാഗ്ദാനം ചെയ്ത വില പോരെന്ന് വ്യക്തമാക്കി കമ്പനി മേധാവി ശന്തനു ഭട്ടാചാര്യ ഗൂഗിളിനെ പിന്തിരിപ്പിച്ചു. പക്ഷേ കമ്പനിയിലെ രണ്ട് നിക്ഷേപക സ്ഥാപനങ്ങള് ശന്തനുവിനെ എതിര്ക്കുകയും ഗൂഗിളിന്റെ ഓഫര് സ്വീകരിക്കണമെന്ന് ആവശ്യപ്പെടുകയും ചെയേതു. സമ്മര്ദ്ദം സഹിക്കാനാവാതെ ശന്തനു കമ്പനിയില് നിന്നും മാറി.
അമേരിക്കന് ബഹിരാകാശ ഗവേഷണസ്ഥാപനമായ നാസയിലെ ശാസ്ത്രജ്ഞനും മുംബൈ ഐ.ഐ.ടി പൂര്വ വിദ്യാര്ത്ഥിയുമായ ശന്തനു 2009 ലാണ് 21.6 കോടി രൂപയുടെ നിക്ഷേപത്തോടെ കമ്പനി ആരംഭിച്ചത്. വാ#്ഹന നിര്മ്മാതാക്കളായ ഫോക്സ് വാഗണ്, ജീന്സ് നിര്മ്മാതാക്കളായ ലീവൈസ് തുടങ്ങി വിദേശത്തെയും ഇന്ത്യയിലെയും നിരവധി പ്രമുഖ സ്ഥാപനങ്ങള് സലോറിക്സിന്റെ ഉപഭോക്താക്കളാണ് .
https://www.facebook.com/Malayalivartha
