വിവാദ പരാമര്‍ശവുമായി ഉന്നാവോ എംപി സാക്ഷി മഹാരാജ് രംഗത്ത്. എല്ലാ മൃതദേഹങ്ങളും ദഹിപ്പിച്ചാല്‍ മതിയെന്ന് സാക്ഷി മഹാരാജ് പറഞ്ഞു. രാജ്യത്ത് രണ്ടരക്കോടിയോളം സന്യാസിമാരുണ്ടെന്നും ഇവരെയും, രാജ്യത്തുള്ള 20 കോടിയോളം വരുന്ന മുസ്‌ലീം സമുദായാംഗങ്ങളെയും അടക്കം ചെയ്യാന്‍ ഇന്ത്യയില്‍ സ്ഥലമില്ലെന്നും അതിനാലാണ് എല്ലാ മൃതദേഹങ്ങളും ദഹിപ്പിക്കണമെന്ന് താന്‍ പറയുന്നതെന്നും സാക്ഷി മഹാരാജ് ചൂണ്ടിക്കാട്ടി. വിദേശരാജ്യങ്ങളിലും മറ്റ് മുസ്‌ലീം രാജ്യങ്ങളിലുമെല്ലാം മൃതദേഹങ്ങള്‍ ദഹിപ്പിക്കുകയാണ് ചെയ്യുന്നതെന്നും അദ്ദേഹം കൂട്ടിച്ചേര്‍ത്തു.

യു.പിയിലെ ഫത്തേപൂരില്‍ പ്രധാനമന്ത്രി നരേന്ദ്രമോദി പ്രസംഗിക്കവെ, ഗ്രാമങ്ങളില്‍ ഖബര്‍സ്ഥാന്‍ നിര്‍മ്മിച്ചാല്‍ ശ്മാശനവും നിര്‍മിക്കണമെന്നും റംസാന് വൈദ്യുതി എത്തിയാല്‍ ദീപാവലിക്കും എത്തണമെന്നും പറഞ്ഞത് വിവാദമായിരുന്നു. ഇതിനെതിരെ കോണ്‍ഗ്രസ് പരാതി നല്‍കാനൊരുങ്ങുമ്പോഴാണ് വിവാദ പരമാര്‍ശവുമായി സാക്ഷി മഹാരാജും രംഗത്തെത്തിയത്.യുപിയില്‍ മൂന്നാംഘട്ട തെരഞ്ഞെടുപ്പ് നടക്കുന്ന വേളയിലായിരുന്നു പ്രധാനമന്ത്രിയുടെ പ്രസ്താവന.