ഇന്ദിരാഗാന്ധി രാജ്യാന്തര വിമാനത്താവളത്തില് നിന്ന് 234 യാത്രക്കാരുമായി പുറപ്പെട്ട എയര്ഇന്ത്യ വിമാനം സാങ്കേതിക പിഴവിനെ തുടര്ന്ന് തിരിച്ചിറക്കി
ഇന്ദിരാഗാന്ധി രാജ്യാന്തര വിമാനത്താവളത്തില് നിന്ന് 234 യാത്രക്കാരുമായി കൊച്ചിയിലേക്കു പറന്നുയര്ന്ന വിമാനം, സാങ്കേതിക പിഴവിനെത്തുടര്ന്ന് അടിയന്തരമായി തിരികെ ഇറക്കി. കൃത്യനിര്വഹണത്തില് വീഴ്ച വരുത്തിയ രണ്ട് എന്ജിനീയര്മാരെ അന്വേഷണ വിധേയമായി ജോലിയില് നിന്നു മാറ്റി നിര്ത്തി.
എയര് ഇന്ത്യയുടെ ഡല്ഹി - കൊച്ചി - ദുബായ് (എഐ 933) വിമാനമാണു തിങ്കളാഴ്ച രാവിലെ 5.36നു ഡല്ഹിയില് നിന്നു പറന്നുയര്ന്നത്. ലാന്ഡിങ് ടയറുകളില് ഘടിപ്പിച്ചിട്ടുള്ള പിന് ടേക്ക് ഓഫിനു മുന്പ് നീക്കം ചെയ്യാന് എന്ജിനീയര്മാര് മറന്നതാണു പ്രശ്നത്തിനു വഴിവച്ചത്. ടേക്ക് ഓഫിനു ശേഷം, ടയറുകള് നിര്ദിഷ്ട സ്ഥാനങ്ങളിലേക്കു തിരികെ വയ്ക്കാന് പൈലറ്റ് ശ്രമിച്ചെങ്കിലും സാധിക്കാതെ വന്നതോടെ 40 മിനിറ്റിനു ശേഷം വിമാനം തിരിച്ചിറക്കുകയായിരുന്നു.
അതിനു ശേഷം നടത്തിയ പരിശോധനയിലാണു ടയറുകളില് പിന് ഘടിപ്പിച്ചിരിക്കുന്നതു കണ്ടെത്തിയത്. തുടര് പരിശോധനകള് പൂര്ത്തിയാക്കി നാലു മണിക്കൂര് വൈകി വിമാനം കൊച്ചിയിലേക്കു പുറപ്പെട്ടതായി അധികൃതര് അറിയിച്ചു.
https://www.facebook.com/Malayalivartha
