കോണ്ഗ്രസ് നാലാം ഘട്ട പട്ടികയായി : ചിദംബരം മത്സരിച്ചേക്കില്ല പകരം മകന് കാര്ത്തി ജനവിധി തേടുന്നു
ലോക്സഭാ തെരഞ്ഞെടുപ്പിനു വേണ്ടിയുള്ള കോണ്ഗ്രസിന്റെ നാലാംഘട്ട പട്ടിക പ്രഖ്യാപിച്ചു. 50 സീറ്റിലേയ്ക്കുള്ള പട്ടികയാണ് പ്രഖ്യാപിച്ചത്. ധനമന്ത്രി പി.ചിദംബരം തിരഞ്ഞെടുപ്പില് മത്സരിച്ചേക്കില്ല പകരം തമിഴ്നാട്ടിലെ ശിവഗംഗ മണ്ഡലത്തില് നിന്നും മകന് കാര്ത്തി ജനവിധി തേടും.
ഗുലാം നബി ആസാദ് ജമ്മുവിലെ ഉദ്ദംപൂരില് നിന്നും മണിശങ്കര് അയ്യര് മയിലാടുതുറയില് നിന്നും മത്സരിക്കും. പ്രതിപക്ഷ നേതാവ് സുഷമാ സ്വരാജിനെതിരെ വിദിഷയില് നിന്ന് ലക്ഷ്മണ് സിംഗ് മത്സരിക്കും. വെസ്റ്റ് ദില്ലിയില് നിന്ന് മഹാബല് മിശ്രയും ഈസ്റ്റ് ദില്ലിയില് രമേശ് കുമാറും ജനവിധി തേടും.
ജി.കെ. വാസനും ജയന്തി നടരാജനും സീറ്റ് നല്കിയിട്ടില്ല. അതേസമയം ബിജെപിയുടെ പ്രധാനമന്ത്രി സ്ഥആനാര്ത്ഥി നരേന്ദ്രമോഡി മത്സരിക്കുന്ന വാരണാസിയില് നിന്ന് ആര് മത്സരിക്കുമെന്ന കാര്യത്തില് ഇനിയും ധാരണയായിട്ടില്ല. ലുധിയാനയിലും മനീഷ് തിവാരി മത്സരിക്കാനില്ലെന്ന നിലപാടായതിനാല് ഒന്നും തീരുമാനമായിട്ടില്ല.
https://www.facebook.com/Malayalivartha
