സെപ്തംബര് 11 ലെ ആക്രമണം : ബിന് ലാദന്റെ മരുമകന് കുറ്റക്കാരനെന്ന് യു.എസ്. കോടതി
സെപ്തംബര് 11 ലെ ആക്രമണവുമായി ബന്ധപ്പെട്ട് പിടിയിലായ അല്ക്വയ്ദ ഭീകരന് ഒസാമ ബിന്വാദന്റെ മരുമകന് സുലൈമാന് അബു ഗെയ്തിനെ യു എസ് കോടതി കുറ്റക്കാരനാണെന്ന് കണ്ടെത്തി. ഗെയ്തിനെതിരെ തീവ്രവാദ കുറ്റങ്ങളാണ് ചുമത്തിയിരിക്കുന്നത്. രാജ്യത്തിനെതിരെ ആക്രമണം നടത്തിയ തീവ്രവാദ ഗ്രൂപ്പിന്റെ വക്താവായി ഗെയ്ത് പ്രവര്ത്തിച്ചതായി കോടതി പറയുന്നു.
വേള്ഡ് ട്രേഡ് സെന്ററിലേക്ക് തിവ്രവാദികള് വിമാനങ്ങള് ഇടിച്ചു കയറ്റിയതിന് മണിക്കൂറുകള്ക്ക് പിന്നാലെ കൂടുതല് ആക്രമണങ്ങള്ക്ക് ആഹ്വാനം ചെയ്തു കൊണ്ട് ഗെയ്ത് വീഡിയോ സന്ദേശം പുറത്തു വിട്ടിരുന്നു. ബിന്ലാദിന്റെ നിര്ദ്ദേശപ്രകാരം തയ്യാറാക്കിയ വീഡിയോയില് വിമാന ആഞ്ഞടികള് അവസാനിക്കുന്നില്ല എന്നായിരുന്നു ഗെയ്തിന്റെ ഭീഷണി.
ജോര്ദ്ദാനില് വച്ചാണ് കഴിഞ്ഞ വര്ഷം ഗെയ്ത് പിടിയിലായത്. ഇയാളെ പിന്നീട് ന്യൂയോര്ക്കിലെത്തിച്ചു. ജീവപര്യന്തം തടവു ലഭിക്കാവുന്ന കുറ്റങ്ങളാണ് ഗെയ്തിനെതിരെ ചുമത്തിയിരിക്കുന്നത്. ശിക്ഷാവിധി സെപ്തംബര് 8 ന് പുറപ്പെടുവിക്കും.
https://www.facebook.com/Malayalivartha
