ഗുരുതര രോഗങ്ങളുടെ ചികിത്സക്ക് എംപ്ലോയീസ് പ്രോവിഡന്റ് ഫണ്ടില്‍ (ഇ.പി.എഫ്) നിന്ന് പണം പിന്‍വലിക്കാന്‍ ഇനി തൊഴിലുടമയുടെ അനുമതിയോ ഡോക്ടറുടെ സര്‍ട്ടിഫിക്കറ്റോ വേണ്ട. ജീവനക്കാരന്‍ സ്വന്തംനിലക്ക് സത്യവാങ്മൂലം നല്‍കിയാല്‍ മതി. രേഖകള്‍ സ്വയം സാക്ഷ്യപ്പെടുത്തുകയെന്ന കേന്ദ്ര സര്‍ക്കാര്‍ നയപ്രകാരമാണ് ഇ.പി.എഫ് ഓര്‍ഗനൈസേഷെന്റ തീരുമാനം. ഇതുസംബന്ധിച്ച വ്യവസ്ഥ ഭേദഗതി ചെയ്ത് വിജ്ഞാപനം ഇക്കഴിഞ്ഞ 25ന് പുറത്തിറക്കി.

1952ലെ എംപ്ലോയീസ് പ്രോവിഡന്റ് ഫണ്ട് പദ്ധതി നിയമാവലിയിലെ 68ജെ, 68എന്‍ വകുപ്പുകളാണ് ഭേദഗതി ചെയ്തത്. ഒരു മാസം വരെ ആശുപത്രിയില്‍ കിടത്തിച്ചികിത്സ, വലിയ ശസ്ത്രക്രിയ, തളര്‍ച്ച, അര്‍ബുദം, ഹൃദ്രോഗം, ക്ഷയം, കുഷ്ഠം എന്നിവക്ക് ആറു മാസത്തെ ശമ്പളത്തിന് തുല്യമായ തുക ഇ.പി.എഫ് സമ്പാദ്യത്തില്‍നിന്ന് പിന്‍വലിക്കാന്‍ തൊഴിലാളിയെ അനുവദിച്ചു.

ഇ.എസ്‌.െഎ ഇന്‍ഷുറന്‍സ് പദ്ധതിപ്രകാരമുള്ള സൗകര്യം ലഭ്യമാക്കുന്നില്ലെന്ന തൊഴിലുടമയുടെയും, ഗുരുതര രോഗമാണെന്ന ഡോക്ടറുടെയും സാക്ഷ്യപത്രം നേരേത്ത ആവശ്യമായിരുന്നു. ഭിന്നശേഷിക്കാര്‍ക്ക് സഹായ ഉപകരണങ്ങള്‍ വാങ്ങുന്നതിന് ഇ.പി.എഫ് പണം പിന്‍വലിക്കാന്‍ ഇനി ഡോക്ടറുടെ സര്‍ട്ടിഫിക്കറ്റ് വേണ്ട.