ആന്റി കറപ്ഷന് വിഭാഗത്തിന് മുന് മന്ത്രി കപില് മിശ്ര തെളിവുകള് നല്കി.
ഡല്ഹി മുഖ്യമന്ത്രി അരവിന്ദ് കെജ്രിവാളിനെതിരെ അഴിമതി ആരോപണത്തില് ആന്റി കറപ്ഷന് വിഭാഗത്തിന് മുന് മന്ത്രി കപില് മിശ്ര തെളിവുകള് നല്കി. കൂടാതെ ഡല്ഹി ലെഫ്റ്റനന്റ് ഗവര്ണ്ണര്ക്ക് പരാതിയും നല്കി. ഇതിന്റെ അടിസ്ഥാനത്തില് ഗവര്ണ്ണര് അന്വേഷണത്തിന് ഉത്തരവിട്ടു. കെജ്രിവാള് നിയമവിരുദ്ധമായി പണം വാങ്ങുന്നതിന് സാക്ഷിയാണെന്നാണ് സാക്ഷിയാണെന്നാണ് കപില് മിശ്ര പറയുന്നത്.ജീവന് പോയാലും മിണ്ടാതിരിക്കാന് സാധ്യമല്ല. കെജ്രിവാളിനെ നുണ പരിശോധനയ്ക്ക് വിധേയമാക്കണമെന്നും കപില് മിശ്ര ആവശ്യപ്പെട്ടു. കെജ്രിവാളിനെ നുണ പരിശോധനയ്ക്ക് വിധേയമാക്കണമെന്നും കപില് മിശ്ര ആവശ്യപ്പെട്ടു.
മന്ത്രിയായ സത്യേന്ദ്ര ജെയിനില് നിന്നാണ് കെജ്രിവാള് പണം കൈപ്പറ്റിയതെന്നാണ് കപില് മിശ്രയുടെ ആരോപണം.ഇതുകൂടാതെ കെജ്രിവാളിന്റെ ബന്ധുവിന് വേണ്ടി 50 കോടിയുടെ ഭൂമി അനധികൃതമായി കൈമാറിയിട്ടുണ്ടെന്ന് സത്യേന്ദ്ര ജെയ്ന് തന്നോട് പറഞ്ഞിട്ടുണ്ടെന്നും കപില് മിശ്ര പറയുന്നു . കഴിഞ്ഞ ദിവസമാണ് കപില് മിശ്ര കെജ്രിവാളിനെതിരെ ആരോപണവുമായി രംഗത്തെത്തിയത്. ഞായറാഴ്ച രാവിലെ ലഫ്റ്റനന്റ് ഗവര്ണര് അനില് ബൈജലിനെ നേരില് കണ്ട് ഇതേ ആരോപണമുന്നയിച്ച മിശ്ര വാര്ത്താസമ്മേളനം നടത്തിയാണ് ഇക്കാര്യം ആവര്ത്തിച്ചത്.
കെജ്രിവാള് രണ്ടുകോടിരൂപ കൈപ്പറ്റുന്നത് താന് നേരിട്ടുകണ്ടിട്ടുണ്ടെന്ന് അന്വേഷണ സംഘത്തിന് മുന്നില് കപില് മിശ്ര മൊഴി നല്കി .ഇതിനേപ്പറ്റിയുള്ള എല്ലാ തെളിവുകളും ഏത് ഏജന്സിക്കും കൈമാറാന് തയ്യാറാണെന്നും കപില് മിശ്ര പറഞ്ഞു.പാര്ട്ടിക്കുള്ളിലെ അഴിമതിയെക്കുറിച്ച് സംസാരിച്ചതിനാണ് താന് പുറത്തായതെന്നും മിശ്ര ആവര്ത്തിച്ചു.
https://www.facebook.com/Malayalivartha
