മാതൃകയായി ഹിമാചല് പ്രദേശിലെ ഐഎഎസ് ഭര്ത്താവും ഐപിഎസ് ഭാര്യയും.
കശ്മീരിലെ പൂഞ്ച് സെക്റ്ററില് പാക്കിസ്ഥാന് പട്ടാളത്തിന്റെ കൊടും ക്രൂരതയില് കൊല്ലപ്പെട്ട നയിബ് സുബൈദാര് പരംജിത് സിങിന്റെ മകള്ക്ക് തണലായി മാറാന് യൂനസ് ഖാന് എന്ന ഐഎഎസ് ഓഫീസറും ഭാര്യ അന്ജും അര എന്ന ഐപിഎസ് ഓഫീസറും എത്തിയിരിക്കുന്നു. അദ്ദേഹത്തിന്റെ മകളുടെ വിദ്യാഭ്യാസം ഉള്പ്പെടെയുള്ള എല്ലാ കാര്യങ്ങളും നോക്കി നടത്താനും, അവളെ ദത്തെടുക്കാനും താല്പ്പര്യപ്പെട്ടുമാണ് ദമ്പതികള് എത്തിയിരിക്കുന്നത്.
രാജ്യത്തിന്റെ സുരക്ഷയ്ക്കായി ബലിയര്പ്പിച്ചവരോട് നമ്മള് വേണ്ട വിധമുള്ള ആദരവ് പലപ്പോളും കാണിക്കാറില്ല. അതുപോലെ തന്നെ രാജ്യത്തിനുവേണ്ടി ജീവന് ബലിയര്പ്പിക്കുന്ന പട്ടാളക്കാരുടെ മക്കള് പിന്നീട് എങ്ങനെ ജീവിക്കുന്നുവെന്ന് പലരും അന്വേഷിക്കാറില്ല. അക്ഷയ് കുമാറിനെ പോലുള്ള അപൂര്വം ചിലര് മാത്രമാണ് ഇത്തരം വിഷയങ്ങള്ക്കു പുറകെ നടന്ന് പട്ടാളക്കാരുടെ കുടുംബങ്ങള്ക്കായി എന്തെങ്കിലും പദ്ധതികള് ചെയ്യുന്നത്. ഇവിടെയാണ് എല്ലാവര്ക്കും മാതൃകയായി ഹിമാചല് പ്രദേശിലെ ഐഎഎസ് ഭര്ത്താവും ഐപിഎസ് ഭാര്യയും.
12 വയസുള്ള പരംജിത് സിങിന്റെ മകളുടെ പേര് ഖുശ്ദീപ് കൗര്നെയാണ് ദത്തെടുക്കുക. ദത്തെടുക്കും എന്നു പറഞ്ഞാല് എന്നു പറഞ്ഞാല് ഖുശ്ദീപിനെ അവളുടെ വീട്ടില് നിന്നും മാറ്റുന്നില്ല അവള് അവളുടെ വീട്ടില് തന്നെ കഴിയും. അവളുടെ പഠനത്തിനും മറ്റുള്ള എല്ലാ കാര്യങ്ങള്ക്കുമുള്ള മുഴുവന് ചെലവും ദമ്പതികള് വഹിക്കും. എന്തു പ്രശ്നമുണ്ടെങ്കിലും ഇവര് ഉണ്ടാകും കൂടെ. മാത്രമല്ല ഖുശ്ദീപിന് ഐഎഎസ്/ ഐപിഎസ് ഓഫീസറോ ആകണമെങ്കില് അതിനുള്ള എല്ലാ തരത്തിലുള്ള പിന്തുണ നല്കുകയും ചെയ്യും ഈ ഐഎഎസ്ഐപിഎസ് കുടുംബം.
https://www.facebook.com/Malayalivartha
