ചീഫ് ജസ്റ്റിസടക്കം ഏഴു ജഡ്ജിമാരെ അറസ്റ്റ് ചെയ്യാന് ജസ്റ്റിസ് കര്ണന്റെ ഉത്തരവ്
സുപ്രീംകോടതി ചീഫ് ജസ്റ്റിസ് ഉള്പ്പെടെ ഏഴു ജഡ്ജിമാരെ അറസ്റ്റ് ചെയ്യാന് കോടതിയലക്ഷ്യ കേസില് വിചാരണ നേരിടുന്ന ജസ്റ്റിസ് കര്ണന്റെ പുതിയ ഉത്തരവ്.
തന്റെ മാനസികനില പരിശോധിക്കാന് ഉത്തരവിട്ട സുപ്രീംകോടതി ചീഫ് ജസ്റ്റിസ് ജെ.എസ് ഖെഹാര് ഉള്പ്പെടെ ഏഴു പേരെ അറസ്റ്റ് ചെയ്യാനും അഞ്ച് വര്ഷം തടവിനും 10,000 രൂപ പിഴയടയ്്ക്കാനുമാണ് കര്ണന് ഉത്തരവിട്ടിരിക്കുന്നത്.
ചീഫ് ജസ്റ്റിസിനെ കൂടാതെ ജസ്റ്റിസ് ദീപക് മിശ്ര, ജസ്റ്റിസ് ജെ ചെലമേശ്വറ, ജസ്റ്റിസ് രഞ്ജന് ഗൊഗോയി, ജസ്റ്റിസ് മദന് ബി ലോകുര്, ജസ്റ്റിസ് പിനാക്കി ചന്ദ്ര, ജസ്റ്റിസ് കുര്യന് ജോസഫ്, ജസ്റ്റിസ് ആര് ഭാനുമതി എന്നിവര്ക്കുമെതിരെയാണ് കര്ണന്റെ ഉത്തരവ്.
തന്റെ ന്യായാധിപന് എന്ന പദവിയെ പരിഗണിച്ചില്ല, താനൊരു ദളിതനാണെന്ന കാര്യം അവഗണിച്ചു എന്നുള്ള കാര്യങ്ങള് ചൂണ്ടിക്കാട്ടിയാണ് ഇവര്ക്കെതിരെ കേസെടുക്കാന് കര്ണന് ഉത്തരവിട്ടിരിക്കുന്നത്.
ഡല്ഹി പോലീസ് കമ്മീഷണര്ക്കാണ് സുപ്രീംകോടതി ജഡ്ജിമാരെ അറസ്റ്റ്് ചെയ്യാന് കര്ണന് നിര്ദേശം നല്കിയിരിക്കുന്നത്. അറസ്റ്റ് വരിക്കാന് തയാറാകാത്ത പക്ഷം ജഡ്ജിമാര് പാര്ലമെന്റിനെ സമീപിക്കണമെന്നും ഉത്തരവിലുണ്ട്. അതുവരെ സുപ്രീംകോടതിയിലെ ഒരു കേസു പോലും ഇവര് പരിഗണിക്കരുത്. ഉടന് തന്നെ പാസ്പോര്ട്ടുകള് പോലീസിനു കൈമാറണമെന്നും ഉത്തരവില് കര്ണന് വ്യക്തമാക്കുന്നു.
തന്നെ അപമാനിക്കാന് ശ്രമിച്ച ഇവര് നഷ്ടപരിഹാരമായി രണ്ടു കോടി രൂപ തരണമെന്നും അല്ലാത്തപക്ഷം അവരുടെ ശമ്പളത്തില് നിന്നും ഈടാക്കണമെന്നും ഉത്തരവിലുണ്ട്.
https://www.facebook.com/Malayalivartha
