പെണ്കുട്ടിയെ അപമാനിച്ച യുവാവിന് പെണ്കുട്ടി നല്കിയ ശിക്ഷ?
ഇങ്ങനെ എല്ലാപെണ്കുട്ടികളും ധൈര്യം കാണിച്ചിരുന്നെങ്കില് പുരുഷന്മാരുടെ ശല്യം കുറച്ചെങ്കിലും കുറഞ്ഞിരിക്കുമായിരുന്നു. പുരുഷന്മാര്ക്ക് വെറുതെ വന്ന് അതിക്രമിച്ചിട്ടു പോകാനുള്ളതല്ല പെണ്ണ് എന്ന് അവള് തെളിയിക്കുന്നു. ഇങ്ങനെ ഒരു മറുപടി ഒട്ടും പ്രതീക്ഷിച്ചുകാണില്ല. പെണ്കുട്ടികളുടെ മാനത്തിനും വിലയുണ്ട്. അത് ഒരാള് പറയുന്ന വിലയല്ല. ബീഹാറിലെ ബെഗുസാരൈ ജില്ലയിലെ ഇബ്രാഹിംപൂര് ഗ്രാമത്തലാണു സംഭവം.
ഗ്രാമത്തില് നിന്നു വീട്ടിലേയ്ക്കു മടങ്ങുകയായിരുന്ന പെണ്കുട്ടിയെ ഒരു പുരുഷന് കയറിപ്പിടിക്കുകയും അവളുടെ സമ്മതമില്ലാതെ രണ്ടു വട്ടം കവളില് ചുംബിക്കുകയും ചെയ്തു. അവള് പ്രതിരോധിക്കാന് ശ്രമിച്ചു എങ്കിലും അയാള് അവളെ വീണ്ടും വീണ്ടും അപമാനിക്കുകയായിരുന്നു. അവള് വീട്ടില് എത്തി അച്ഛനോടും അമ്മയോടും പരാതിപ്പെട്ടു. മാതാപിതാക്കള് നാട്ടുകൂട്ടത്തെ വിവരമറിയിച്ചു. നാട്ടുകൂട്ടം ഇരുകൂട്ടരുടെയും മാതാപിതാക്കളെ വിളിച്ചുവരുത്തി. പെണ്കുട്ടിക്കുണ്ടായ മാനനഷ്ടത്തിന് 20000 രൂപ നഷ്ടപരിഹാരം നല്കാമെന്നായിരുന്നു പുരുഷന്റെ വീട്ടുകാര് നാട്ടുകൂട്ടത്തെ അറിയിച്ചത്.
എന്നാല് പെണ്കുട്ടിയുടെ മറുപടി മറ്റൊന്നായിരുന്നു. അയാള് നല്കുന്ന നക്കപ്പിച്ച തനിക്കു വേണ്ടന്നും എനിക്കും എന്റെ മാതാപിതക്കള്ക്കും ഉണ്ടായ മാനക്കേടിന് ഇത് ഒരു പരിഹാരമല്ല എന്നും പെണ്കുട്ടി പറഞ്ഞു. ഈ അപമാനം സഹിച്ച് എന്നെ വിവാഹം കഴിക്കാന് ഇനി ആരുവരും എന്ന് പെണ്കുട്ടി ചോദിച്ചു. എന്റെ ഭാവി പ്രതിസന്ധിയിലാക്കിയ ആള് തന്നെ എന്ന വിവാഹം കഴിക്കണം എന്നു ഇവര് നിര്ബന്ധം പറഞ്ഞു.
പെണ്കുട്ടിയുടെ ആവശ്യം തനിക്ക് അംഗീകരിക്കാന് കഴിയില്ല എന്നും തനിക്കു പെണ്കുട്ടിയെ വിവാഹം കഴിക്കാന് ഉദ്ദേശം ഇല്ല എന്നും യുവാവ് പറഞ്ഞു. ഇതോടെ കാര്യത്തിനു തീരുമാനമാകാതെ നാട്ടുകൂട്ടം പിരിഞ്ഞു. ഇതോടെ പെണ്കുട്ടിയുടെ വീട്ടുകാര് പോലീസിനെ സമീപിച്ചു. സംഭവത്തിന്റെ സത്യവസ്ഥ ബോധ്യപ്പെട്ടാല് ഉടന് നടപടി സ്വീകരിക്കും എന്നു പോലീസ് വ്യക്തമാക്കി.
https://www.facebook.com/Malayalivartha