എത്ര നുണകള് പറഞ്ഞാലും രക്ഷപ്പെടില്ല; ദൈവത്തെ നിങ്ങള് ഭയക്കണം; കെജ്രിവാളിന് കപില് മിശ്രയുടെ അമ്മയുടെ തുറന്ന കത്ത്
കെജ്രിവാള് താങ്കള്ക്ക് മാപ്പില്ല. ദില്ലി മുഖ്യമന്ത്രി അരവിന്ദ് കെജ്രിവാളിന് മുന് മന്ത്രിയും എംഎല്എയുമായ കപില് മിശ്രയുടെ അമ്മയുടെ തുറന്ന കത്ത്. മുന് ബിജെപി നേതാവുകൂടിയായ അന്നപൂര്ണ്ണ മിശ്രയാണ് അരവിന്ദ് കെജ്രിവാളിന് കത്തയച്ചിരിക്കുന്നത്. തന്റെ അമ്മയ്ക്ക് അരവിന്ദ് ജീയോട് ചിലത് പറയാനുണ്ടെന്ന് വ്യക്തമാക്കി കപില് മിശ്ര രാവിലെ ട്വീറ്റ് ചെയ്തിരുന്നു.
എത്രത്തോളം കള്ളങ്ങളാണ് അരവിന്ദ് കെജ്രിവാള് താങ്ങള് പറയുന്നതെന്ന് അന്നപൂര്ണ്ണ മിശ്ര കത്തില് പറയുന്നു. ഈ നുണകളൊന്നും താങ്കളെ രക്ഷിക്കില്ല. ദൈവത്തെ താങ്കള് ഭയക്കണമെന്നും കത്തില് അന്നപൂര്ണ്ണ പറയുന്നു. തന്റെ മകന് ചോദിച്ച ചോദ്യങ്ങള്ക്ക് ഉത്തരം നല്കാതെ നിങ്ങള് അത് അവഗണിച്ചു. താന് കൂടിക്കാഴ്ച നടത്തിയപ്പോഴെല്ലാം പൊതുജീവിതത്തെക്കുറിച്ച് നിങ്ങള് സത്യസന്ധമായി സംസാരിച്ചിരുന്നുവെന്നും അവര് പറഞ്ഞു.
നിങ്ങള് വീട്ടില് എത്തി സംസാരിക്കാന് തയ്യാറാകാണം. പാര്ട്ടിയിലേക്ക് തിരികെ പോകണമെന്ന കാര്യം കപില് മിശ്രയോട് താന് സംസാരിക്കാം. പക്ഷേ അവന് കേള്ക്കണമെന്നില്ല. നിങ്ങള്ക്കെതിരെ ചലിക്കാനാണ് അവന് ഇപ്പോള് താല്പര്യപ്പെടുന്നത്. നിങ്ങള് വന്ന് അവനോട് സംസാരിച്ചാല് ഒരുപക്ഷേ കപില് മിശ്ര വഴങ്ങിയേക്കുമെന്നും അന്നപൂര്ണ്ണ പറയുന്നു. നിങ്ങളുടെ പാര്ട്ടിയിലെ അംഗങ്ങള് തന്റെ അഴിമതിയെക്കുറിച്ച് തന്നോട് പരാതി പറയുന്നു. എന്നാല് നിങ്ങള് നിശബ്ദനായി ഇരിക്കുകയാണെന്നും അവര് പറഞ്ഞു. അരവിന്ദ് കെജ്രിവാളിനോടുള്ള അന്നപൂര്ണ്ണയുടെ ദേഷ്യം കത്തില് നിന്നും വ്യക്തമാണ്. ഹിന്ദിയിലുള്ളതാണ് കത്ത്. കിഴക്കന് ദില്ലി മുനിസിപ്പല് കോര്പ്പറേഷന്റെ ആദ്യ മേയറായിരുന്നു അന്നപൂര്ണ്ണ മിശ്ര.
മന്ത്രി സ്ഥാനത്തു നിന്നും പുറത്താക്കിയതിന് പിന്നാലെ ആംആദ്മി പാര്ട്ടിയേയും അരവിന്ദ് കെജ് രിവാളിനേയും പ്രതിസന്ധിയിലാക്കി ഗുരുതര ആരോപണങ്ങളുമായി കപില് മിശ്ര രംഗത്തെത്തിയിരുന്നു. കെജ്രിവാള് അദ്ദേഹത്തിന്റെ വസതിയില് വെച്ച് സത്യേന്ദ്ര ജെയിനില് നിന്നും രണ്ടുകോടി രൂപ കൈക്കൂലി വാങ്ങുന്നത് താന് കണ്ടു എന്നായിരുന്നു കപില് മിശ്രയുടെ ആരോപണം.
ഇതിന് പിന്നാലെ കപില് മിശ്രയെ പാര്ട്ടിയില് നിന്നും പുറത്താക്കിയിരുന്നു. തുടര്ന്ന് കെജ്രിവാളിനെതിരെയുള്ള നീക്കം കപില് മിശ്ര ശക്തമാക്കി. വിദേശയാത്രകള് നടത്തുന്നതിന് എഎപി നേതാക്കള്ക്ക് എവിടെ നിന്നാണ് പണം ലഭിച്ചതെന്ന ചോദ്യമുന്നയിച്ച് ദില്ലിയിലെ വസതിക്ക് മുന്നില് കപില് നിരാഹാരമാരംഭിച്ചു. കഴിഞ്ഞ രണ്ടു വര്ഷത്തിനിടെ പാര്ട്ടി നേതാക്കളായ സഞ്ജയ് സിങ്, ആശിഷ് ഖേതന്, സത്യേന്ദ്ര ജയിന്, രാഘവ് ചദ്ദ്, ദുര്ഗേഷ് പഥക് തുടങ്ങിയവര് നടത്തിയ യാത്രകളെക്കുറിച്ചായിരുന്നു കപില് മിശ്ര ചോദ്യമുയര്ത്തിയത്. ഇതിനിടെ കപില് മിശ്രയ്ക്ക് നേരെ കയ്യേറ്റ ശ്രമവും നടന്നു.
https://www.facebook.com/Malayalivartha