ആണ്കുട്ടികള് തെറ്റുകള് ചെയ്യുമെന്നും ബലാത്സംഗത്തിന് നല്കേണ്ടത് വധശിക്ഷയാണോയെന്നും മുലായം
മുംബൈ കൂട്ട ബലാത്സംഗക്കേസില് കുറ്റവാളികള്ക്ക് കോടതി നല്കിയ വധശിക്ഷയ്ക്കെതിരേ മുലായംസിംഗ് യാദവ്. ആണ്കുട്ടികള് എപ്പോഴും തെറ്റുകള് ചെയ്യുമെന്നും ബലാത്സംഗത്തിന് നല്കേണ്ടത് വധശിക്ഷയാണോയെന്നും മുലായം ചോദിച്ചു. മുറാദാബാദിലെ ഒരു റാലിയെ അഭിസംബോധന ചെയ്യവേയാണ് മുലായം ഞെട്ടിപ്പിക്കുന്ന പ്രസ്താവനയും കോടതിയലക്ഷ്യവും നടത്തിയിരിക്കുന്നത്.
ശക്തിമില് കൂട്ട ബലാത്സംഗക്കേസില് ഫോട്ടോ ജര്ണലിസ്റ്റിനെ കൂട്ട ബലാത്സംഗത്തിന് വിധേയമാക്കിയ മൂന്ന് പ്രതികളെ കഴിഞ്ഞയാഴ്ചയായിരുന്നു വധശിക്ഷയ്ക്ക് വിധിച്ചത്. ഇതിനെതിരേയാണ് മുലായം പ്രസ്താവന നടത്തിയത്. ബലാത്സംഗം ചെയ്യപ്പെട്ടതായി പെണ്കുട്ടി നേരെ ചെന്ന് പോലീസില് മൊഴി നല്കി. പാവപ്പെട്ടവന്മാരെ ജഡ്ജി വധശിക്ഷയ്ക്ക് വിധിക്കുകയും ചെയ്തു. ബലാത്സംഗം ആണ്കുട്ടികളുടെ സ്വഭാവമാണ്. അത് അവര് നിരന്തരം നടത്തുകയും ചെയ്യും അതിനൊക്കെ വധശിക്ഷയാണോ നല്കേണ്ടതെന്നും അദ്ദേഹം ചോദിച്ചു. തങ്ങള് അധികാരത്തില് വന്നാല് ഇത്തരം നിയമങ്ങള് നടപ്പാക്കാന് അനുവദിക്കില്ല. എന്ന് മാത്രമല്ല ഇത്തരം കള്ളക്കേസ് കൊടുക്കുന്ന സ്ത്രീകള്ക്കെതിരേ നടപടിയെടുക്കുയും ചെയ്യുമെന്ന് മുലായം പറഞ്ഞു.
ബലാത്സംഗത്തില് മരണമടയുന്ന കേസില് മാത്രമേ വധശിക്ഷ നല്കാവു. പീഡനത്തിന് ജീവപര്യന്തം മാത്രം മതി. സ്ത്രീ പീഡന വിരുദ്ധ നിയമങ്ങള് ദുരുപയോഗം ചെയ്യപ്പെടുന്നുണ്ടോയെന്ന് പരിശോധന നടത്തുമെന്ന് പ്രകടന പത്രികയിലും സമാജ്വാദി പാര്ട്ടി പറഞ്ഞിട്ടുണ്ട്. ലൈംഗിക പീഡനവുമായി ബന്ധപ്പെട്ട കേസുകളില് അതിവേഗ കോടതി ഏര്പ്പെടുത്തുമെന്നും അദ്ദേഹം പറഞ്ഞു. സ്ത്രീധന നിരോധന നിയമം, പട്ടികജാതി പട്ടികവര്ഗ്ഗ നിയമം തുടങ്ങിയവയെല്ലാം ദുരുപയോഗം ചെയ്യപ്പെടുന്നുണ്ടെന്നും മുലായം പറഞ്ഞു.
https://www.facebook.com/Malayalivartha
