കണ്മണികള് കണ്മുന്നില് ഒഴുകിപ്പോയി; വേദനയാല് ലക്ഷ്മിയും യാത്രയായി
കൊച്ചുമക്കള് തൊടുപുഴയാറ്റില് മുങ്ങി മരിച്ചതിന് സാക്ഷിയാകേണ്ടി വന്നതിന്റെ ദുഃഖഭാരത്താല് ഹൃദയം നീറി കഴിഞ്ഞ മുത്തശ്ശിയും കൊച്ചുമക്കളുടെ അടുക്കലേക്ക് യാത്രയായി. ലക്ഷ്മിയോടൊത്ത് തൊടുപുഴയാറ്റില് കുളിക്കാറങ്ങിയ മകന് എബനേസറിന്റെ മക്കളായ ടെസ്റ്റസ് (15), ഫുള്ളര് (13) എന്നിവര് ഏപ്രില് ഒമ്പതിന് മുങ്ങിമരിച്ചിരുന്നു. കാഞ്ഞിരമറ്റത്തുള്ള ബന്ധുവിന്റെ വീട്ടില് വിരുന്നിനെത്തിയപ്പോഴായിരുന്നു അപകടം. അപകടത്തില്പ്പെട്ട ലക്ഷ്മിയെ നാട്ടുകാരാണ് രക്ഷപ്പെടുത്തിയത്.
കുട്ടികളും അതുപോലെ രക്ഷപ്പെട്ടുകാണുമെന്നാണ് ആദ്യം ലക്ഷ്മി കരുതിയത്. എന്നാല്, സമയം പിന്നിട്ടപ്പോള് സംഭവത്തിന്റെ ഗൗരവം മനസ്സിലായ ലക്ഷ്മി ആവലാതിയോടെ കാത്തിരുന്നു. നെഞ്ചുരുകി വിലപിച്ചു. കൊച്ചുമക്കളെ നോക്കി ഒരുരാത്രിയും പകലും പുഴക്കരയിലിരുന്ന ലക്ഷ്മിയും അവരുടെ കണ്ണുനീരും ഇന്നും തൊടുപുഴയുടെ നൊമ്പരപ്പെടുത്തുന്ന ഓര്മ്മയാണ്.
കഴിഞ്ഞ ദിവസം തിരുനല്വേലിയിലെ മകളുടെ വീട്ടില്െവച്ച് ലക്ഷ്മി തലകറങ്ങി വീണു. ഉടന്തന്നെ തൊട്ടടുത്തുള്ള ആശുപത്രിയില് എത്തിച്ചെങ്കിലും വൈകീട്ടോടെ മരിച്ചു. തമിഴ്നാട് നാഗര്കോവില് ഐഷന് സ്ട്രീറ്റിലായിരുന്നു താമസം. ശവസംസ്കാരം നടത്തി. മക്കള്: എബനേസര്, എം.വിജയ. മരുമക്കള്: ആഗിനി, ആന്റണി.
https://www.facebook.com/Malayalivartha