സ്വന്തം മക്കളടക്കം ഏഴ് പേരെ ക്രൂരമായി കൊലപ്പെടുത്തിയ മുന് സി.ആര്.പി.എഫ് ജവാന് കൊല്ലപ്പെട്ട നിലയില്
സ്വന്തം മക്കളടക്കം ഏഴു പേരെ കൊലപ്പെടുത്തിയ മുന് സി.ആര്.പി.എഫ് ജവാന് കൊല്ലപ്പെട്ട നിലയില്. മേട്ട ശങ്കര് റാവു (43) ആണ് കൊല്ലപ്പെട്ടത്. ഇയാളെ കൊല്ലപ്പെട്ട നിലയില് വെള്ളിയാഴ്ച രാവിലെയാണ് കണ്ടെത്തിയത്. ഇയാളെ കൊന്നത് ആരെന്ന് വ്യക്തമല്ല. കൊലപ്പെടുത്തിയതിന് ശേഷം പുഴയിലെറിഞ്ഞ മൃതദേഹം കരയ്ക്കെത്തിച്ച ശേഷം പോസ്റ്റ്മോര്ട്ടത്തിന് അയച്ചു.
2010ലാണ് ഇയാള് തന്റെ മക്കളടക്കം ഏഴ് പേരെ കൊലപ്പെടുത്തിയത്. 2010 നവംബര് 30നായിരുന്നു സംഭവം. തന്റെ മക്കളായ മഹേഷ് (9), മാനസ (6) എന്നിവരെ കൊലപ്പെടുത്തിയ ശേഷം അവരുടെ തലയറുത്ത് സമീപത്തെ ക്ഷേത്രത്തില് കൊണ്ടുപോയി ഇടുകയായിരുന്നു. ഇതിന് ശേഷം ഗ്രാമവാസികളായ രണ്ട് സ്ത്രീകളടക്കം അഞ്ച് പേരെ കൂടി റാവു കൊലപ്പെടുത്തി. ഇരകളുടെ വീട്ടിലേക്ക് ബോംബ് എറിഞ്ഞ ശേഷമായിരുന്നു കൊലപാതകം.
2005ല് ഭാര്യയെ കൊലപ്പെടുത്തിയ കേസിലെ പ്രതിയാണ് റെഡ്ഡി. ഈ കേസില് തനിക്കെതിരെ മൊഴി നല്കിയവരെയാണ് ഇയാള് വകവരുത്തിയത്. ഭാര്യയെ കൊന്ന കേസില് ഏഴ് വര്ഷം തടവുശിക്ഷ അനുഭവിച്ച് വരികെ ജാമ്യത്തിലിറങ്ങിയാണ് ഇയാള് മറ്റ് കൊലപാതകങ്ങള് നടത്തിയത്. താന് ജയിലിലായതിനാല് മക്കളെ നോക്കാന് ആരുമില്ലെന്നാണ് ഇയാള് മക്കളെ കൊന്നതിന് കാരണം പറഞ്ഞത്.
https://www.facebook.com/Malayalivartha