റാന്സംവയര് വൈറസ് ഇന്ത്യയിലും; 99 തോളം രാജ്യങ്ങളിലെ 45,000 കംപ്യൂട്ടറുകളില് വൈറസ് ആക്രമണം ഉണ്ടായെന്നാണ് റിപ്പോര്ട്ടുകള്
റാന്സംവയര് വൈറസ് ഇന്ത്യയിലും വേരൂന്നിയതായി റിപ്പോര്ട്ട്. ആന്ധ്രാപ്രദേശ് പൊലീസിന്റെ 100 കംപ്യൂട്ടറുകളില് വൈറസ് ആക്രമണം ഉണ്ടായെന്നാണ് റിപ്പോര്ട്ട്. യുകെ, റഷ്യ, സ്പെയിന്, അര്ജന്റീന, യുക്രെയ്ന്, തായ്വാന് തുടങ്ങിയ 99 തോളം രാജ്യങ്ങളിലെ 45,000 കംപ്യൂട്ടറുകളില് വൈറസ് ആക്രമണം ഉണ്ടായെന്നാണ് റിപ്പോര്ട്ടുകള്. ഇതിന് പിന്നാലെയാണ് ഇന്ത്യയിലും വൈറസ് ആക്രമണം.
റാന്സംവയര് ആക്രമണം ഉണ്ടായെന്ന വാര്ത്ത ഇന്ത്യന് കംപ്യൂട്ടര് എമര്ജന്സി റെസ്പോണ്സ് ടീം ഡയറക്ടര് ജനറല് ഗുല്ഷാന് റായ് സ്ഥിരീകരിക്കുകയും ചെയ്തു. ആന്ധ്രാ പൊലീസിന്റെ 102 കംപ്യൂട്ടറുകളില് റാന്സംവയര് വൈറസ് ആക്രമണം ഉണ്ടായതിനെ തുടര്ന്ന് അടിയന്തര യോഗം വിളിച്ചുവെന്ന് അദ്ദേഹം പറഞ്ഞു. വിന്ഡോസ് ഓപ്പറേറ്റിങ് സിസ്റ്റത്തില് പ്രവര്ത്തിക്കുന്ന കംപ്യൂട്ടറുകളെയാണ് ബാധിച്ചതെന്നും ഗുല്ഷാന് റായ് അറിയിച്ചു.
ആന്ധ്രാ പൊലീസിനെ മാത്രമല്ല, രാജ്യത്തിന്റെ മറ്റുഭാഗങ്ങളിലുള്ള കംപ്യൂട്ടറുകളിലും വൈറസ് ആക്രമണം ഉണ്ടായിട്ടുണ്ടാകാമെന്നാണ് ഗുല്ഷാന്റെ നിഗമനം. ഹാക്ക് ചെയ്ത കംപ്യൂട്ടറുകള് തിരിച്ചുപിടിക്കാനുള്ള ശ്രമത്തിലാണ് വിദഗ്ധര്. ഉദ്യോഗസ്ഥര് തിങ്കളാഴ്ച കംപ്യൂട്ടറുകള് തുറന്നാലെ ആക്രമണത്തിന്റെ വ്യാപ്തി അറിയാന് സാധിക്കുവെന്നും അദ്ദേഹം പറഞ്ഞു.
സൈബര് ആക്രമണത്തെ തുടര്ന്ന് യുഎസ് ആസ്ഥാനമായുള്ള ഫെഡക്സ് കൊറിയര് സര്വീസ്, സ്പെയിന്, അര്ജന്റീന, പോര്ച്ചുഗല് എന്നീ രാജ്യങ്ങളിലെ മൊബൈല് കമ്പനികള്, ബ്രിട്ടനിലെ ആശുപത്രികള് എന്നിവയടക്കം നൂറിലേറെ രാജ്യങ്ങളിലെ കംപ്യൂട്ടറുകള് പ്രവര്ത്തനരഹിതമായിരുന്നു. ബ്രിട്ടനിലെ വലിയ ആശുപത്രി ശൃംഖല എന്എച്ച്എസിനെ സൈബര് ആക്രമണം നിശ്ചലമാക്കിയെന്ന വാര്ത്തയ്ക്കു പിന്നാലെയാണ് ലോകമാകെ കൂട്ടത്തോടെ സൈബര് ആക്രമണമുണ്ടായത്.
കംപ്യൂട്ടര് ഫയലുകള് തിരികെ ലഭിക്കാന് മോചനദ്രവ്യം ആവശ്യപ്പെടുന്ന റാന്സംവയര് ആക്രമണമാണ് നടന്നിരിക്കുന്നത്. 19,000 മുതല് 38,000 രൂപ വരെയാണ് അക്രമികള് ചോദിക്കുന്നത്. ഈ പണം അടച്ചാല് മാത്രമേ കംപ്യൂട്ടറില് പുനഃപ്രവേശനം സാധ്യമാകൂ. ഡിജിറ്റല് പണമായ ബിറ്റ്കോയിനാണ് മോചനദ്രവ്യമായി നല്കേണ്ടത്.
https://www.facebook.com/Malayalivartha
