ഉത്സവ സീസണിലെ ഗള്ഫ് വിമാന നിരക്ക് കുറയ്ക്കാന് നടപടിയുണ്ടാകുമെന്ന് കേന്ദ്രത്തിന്റെ ഉറപ്പ്
ഗള്ഫ് രാജ്യങ്ങളിലേക്ക് ഉത്സവ സീസണില് വിമാന നിരക്ക് കുറക്കാനുള്ള തീരുമാനത്തില് സിവില് ഏവിയേഷന് . സീസണില് നിരക്ക് കുത്തനെ വര്ധിപ്പിക്കുന്ന പ്രവണത തിരുത്തണമെന്ന മുഖ്യമന്ത്രി പിണറായി വിജയന്റെ ആവശ്യത്തിന് സിവില് ഏവിയേഷന് മന്ത്രാലയത്തിന്റെ അനുകൂല പ്രതികരണമാണ് ലഭിച്ചിരിക്കുന്നത്. അമിതമായ നിരക്ക് വര്ധന ഒഴിവാക്കുന്നതിന് ഓണം പോലുള്ള തിരക്കുള്ള സീസണില് വിദേശ വിമാനകമ്ബനികള്ക്ക് നിശ്ചിത ദിവസത്തേക്ക് കൂടുതല് സീറ്റ് അനുവദിക്കാന് മന്ത്രാലയം തയാറാണെന്ന് സിവില് ഏവിയേഷന് സെക്രട്ടറി ആര് എന് ചൗബേ പറഞ്ഞു
പുതുതായി തുടങ്ങുന്ന കണ്ണൂര് ഉള്പ്പെടെ കേരളത്തിലെ നാലു വിമാനത്താവളങ്ങളിലേക്ക് കൂടുതല് വിമാന സര്വീസുകള്, കേരളത്തിലെ നഗരങ്ങളെ ബന്ധിപ്പിച്ചു കൊണ്ട് കൂടുതല് ആഭ്യന്തര സര്വീസുകള് എന്നീ ആവശ്യങ്ങള് സംബന്ധിച്ച് വിളിച്ചു ചേര്ത്ത എയര്ലൈന് കമ്ബനികളുടെ യോഗത്തിലാണ് മുഖ്യമന്ത്രി ഈ ആവശ്യം ഉന്നയിച്ചത്. അമിത നിരക്ക് വര്ദ്ധനവ് പ്രവാസികള്ക്ക് ഉണ്ടാക്കുന്ന ബുദ്ധിമുട്ടുകള് ചെറുതല്ല ഉത്സവ സമയത്തു ടിക്കറ്റ് നിരക്ക് കുത്തനെ ഉയര്ത്തുന്നത് ഒരു തരത്തിലും ന്യായികരിക്കാന് കഴിയില്ല എന്നു മുഖ്യമന്ത്രി പറഞ്ഞു.
എയര് ഇന്ത്യ, എയര് ഇന്ത്യ എക്സ്പ്രസ്, ശ്രീലങ്കന് എയര്വേയ്സ്, ഇത്തിഹാദ്, കുവൈത്ത് എയര്, ഖത്തര് എയര്വേയ്സ്, അലയന്സ് എയര്, എയര് ആസ്ട്ര, സൗദി എയര്ലൈന്, എയര് അറേബ്യ, ഫ്ളൈ ദുബായ്, സ്പൈസ് ജെറ്റ്, വിസ്താര, എയര് ഏഷ്യ, ജെറ്റ് എയര്വേയ്സ്, ഇന്ഡിഗോ, ഗോ എയര് തുടങ്ങി 20 എയര്ലൈന് കമ്ബനികളുടെ പ്രധാന ഉദ്യോഗസ്ഥരാണ് യോഗത്തില് പങ്കെടുത്തത്. കണ്ണൂര് എയര്പോര്ട് ആരംഭിക്കുന്ന ദിവസം തന്നെ സര്വീസ് ആരംഭിക്കാന് മിക്കവരും സമ്മതം അറിയിച്ചു.
https://www.facebook.com/Malayalivartha
