മരിക്കും മുമ്പ് പതിമൂന്നുകാരി അച്ഛനയച്ച വാട്സ്ആപ്പ് വീഡിയോ വൈറലാകുന്നു
സ്വന്തം ജീവന് നിലനിര്ത്താന് ചികിത്സക്കായി അച്ഛനോട് കേണപേക്ഷിക്കുന്ന ഒരു മകള്. ഒടുവില് ചികിത്സ കിട്ടാതെ അവള് ഈ ലോകത്ത് നിന്ന് വിടപറഞ്ഞു. കാന്സര് ബാധിച്ച തന്നെ ചികിത്സിക്കണമെന്ന് കരഞ്ഞപേക്ഷിച്ച് അവള് വാടാസ്ആപ്പില് അച്ഛനയച്ച വീഡിയോ സോഷ്യല് മീഡിയയില് വൈറലായി മാറിയിരിക്കുകയാണ്.
ആന്ധ്രാപ്രദേശ് സ്വദേശിയായ സായി ശ്രീയെന്ന പതിമൂന്നുകാരിയാണ് തന്നെ ചികിത്സിക്കണമെന്ന് സ്വന്തം അച്ഛനോട് കരഞ്ഞപേക്ഷിക്കുന്നത്. താന് കാന്സര് രോഗിയാണെന്ന് തിരിച്ചറിഞ്ഞിട്ടും ചികിത്സയക്ക് പണം ചിലവഴിക്കാന് തയ്യാറാകാത്ത അച്ഛനോടാണ് സായി കെഞ്ചിയത്. വാട്സ് ആപ്പില് അച്ഛന് അയച്ചു കൊടുത്ത ദൃശ്യങ്ങളാണ് ഇപ്പോള് സോഷ്യല് മീഡയയില് വൈറലായിരിക്കുന്നത്.
സ്വന്തം ജീവന് വേണ്ടി അച്ഛനോട് കെഞ്ചി ദിവസങ്ങള്ക്കകം തന്നെ അവള് ഈ ലോകത്തോട് വിടപറയുകയും ചെയ്തു. അസ്ഥിയിലെ മജ്ജയില് കാന്സര് ബാധിച്ചതായിരുന്നു മരണകാരണം. ദൃശ്യങ്ങള് സോഷ്യല് മീഡിയയില് വൈറലായതോടെ ആന്ധ്രാപ്രദേശ് മനുഷ്യാവകാശ കമ്മീഷന് സ്വമേധയ കേസെടുത്തിട്ടുണ്ട്. കഴിവുണ്ടായിരുന്നിട്ടും ചികിത്സിക്കാന് പണം ചിലവഴിക്കാന് തയ്യാറാകാത്തതിരുന്നതിനാലാണ് കേസെടുത്തിരിക്കുന്നത്. സംഭവത്തില് അന്വേഷിച്ച് റിപ്പോര്ട്ട് നല്കാന് വിജയവാഡ സിറ്റി പൊലീസ് കമ്മീഷണറോട് മനുഷ്യാവകാശ കമ്മീഷന് ഉത്തരവിട്ടിട്ടുണ്ട്.
സായിയുടെ അച്ഛന് ശിവകുമാറും അമ്മ സുമ ശ്രീയും രണ്ട് വര്ഷം മുമ്പ് വിവാഹ ബന്ധം വേര്പെടുത്തിയിരുന്നു. മകള് സായി അമ്മയുടെ കൂടെയായിരുന്നു താമസിച്ചിരുന്നത്. രോഗബാധിതയായ മകളെ ചികിത്സിക്കാന് അമ്മയ്ക്ക് കഴിവില്ലാത്തതിനാലാണ് ബാംഗ്ലൂരില് താമസിക്കുന്ന അച്ഛന് സായി വാട്സ്ആപ്പ് സന്ദേശം അയച്ചത്. എന്നാല് ഇയാള് ചികിത്സയ്ക്ക് പണം നല്കാനോ സായിയെ കാണാനോ ശ്രമിച്ചില്ല. ഇതിനു പുറമെ മകളുടെ ചികിത്സയ്ക്ക് പണം കണ്ടെത്താന് തന്റെ പേരിലുള്ള വീട് വില്ക്കാന് ശ്രമിച്ച തന്നെ എം.എല്.എയെ ഉപയോഗിച്ച് ഭീഷണിപ്പെടുത്തി ശിവകുമാര് പിന്തിരിപ്പിച്ചതായും അമ്മ മൊഴി നല്കിയിട്ടുണ്ട്.
https://www.facebook.com/Malayalivartha
